Albistea entzun

Makroproiektuen aurkako protesta antolatu du Araba Bizirik-ek

Urriaren 23an izango da, Gasteizko Bilbo plazan, 18:30ean. Araba jasaten ari den «etengabeko erasoak» salatu ditu plataformak
Araba Bizirik plataformako ordezkariak, atzo egin zuten agerraldian.
Araba Bizirik plataformako ordezkariak, atzo egin zuten agerraldian. ARABA BIZIRIK Tamaina handiagoan ikusi

Oihane Puertas Ramirez -

2021eko irailak 15

Araba Bizirik plataformak agerraldia egin zuen atzo Elorriagan (Araba), Arabako Kontzejuen Elkartearen egoitzaren aurrean. Lurraldea jasaten ari den «etengabeko erasoak» salatu zituen, eta urriaren 23rako antolatu duen manifestazioaren berri ere eman zuen. Makroproiektu industrialen aurka egingo du protesta Gasteizko Bilbo plazan, 18:30etik aurrera.

AHTrik Ez, Arabako Mendiak Aske, Elikadura Iraunkorraren Aldeko Mugimendua eta Proiektu Honi Ez mugimenduek osatzen dute Araba Bizirik plataforma. Makroproiektuen inguruan administrazioak eta toki-erakundeek lurraldea babesteko erakutsi duten «interes falta» salatu eta «herrienganako errespetua» exijitu zuen agerraldian. Azaldu zuenez, eraikitzen ari diren azpiegitura handiek «arrisku larrian» jartzen dituzte Arabako biodibertsitatea, paisaia, eta nekazaritza eta abeltzaintza; modu «itzulezinean» alda daitezkeelako. Megaproiektuen aurka azaldu diren kontzejuei ere «laguntza eta elkartasuna» adierazi zizkien plataformak, eta esan zuen proiektu horiek eragiten duten «abusu eta mehatxuaren aurka» egiten dutenei «laguntzeko prest» dagoela.

Era berean, salatu zuen megaproiektu industrialek ez dituztela errespetatzen, batetik, Eusko Jaurlaritzako Ingurumen, Lurralde Plangintza eta Etxebizitza Sailak 2019an onartutako Lurralde Antolamenduaren Gidalerroen «printzipio gidariak», eta, bestetik, baliabideen «jasangarritasun eta ekonomia irizpideak».

Horregatik, Administrazio Publikoari eskatu zion Arabako ingurune naturala eta laborantza lurra «pobretzen ez dituzten alternatiben alde» egiteko, eta ingurunea jasaten ari den «jazarpenaren eta espoliazio arriskuaren aurrean» duen «defentsa lana» egin dezala. Horrez gain, azpiegitura edo energia berriztagarrien proiektuen garapenerako «benetako itun sozial bat ezartzea» eskatu zuen. Plataformaren arabera, itun horrek ingurumenarekin «gero eta sentsibilizatuago» dagoen gizarte baten beharrei erantzun beharko die.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Iñigo Urkullu Eusko Jaurlaritzako lehendakaria, gaurko ekitaldian, Gasteizen. ©IREKIA

Jaurlaritzak COVID-19aren «biktima guziei» eskainitako omenaldi bat egin du Gasteizen

Uxue Rey Gorraiz

Sempervirens parkean oroitu dituzte. Gizarteak pandemian erakutsitako «konpromisoa eta elkartasuna» ere nabarmendu ditu Urkulluk.

Eskuin muturreko kideak, joan zen larunbaten, gurutzea jartzen Orhin. ©Croix Citadelles

Frantziako eskuin muturreko talde batek gurutze bat jarri du Orhi mendian

Edu Lartzanguren

Frantziaren burujabetzaren aldeko aldarri gisa ezarri dute ikurra. Frantziako Alderdi Nazionalistarekin lotuta dago taldea.

1936ko biktimei omenaldia, Sartagudako Memoriaren Parkean, 2018an. / ©Idoia Zabaleta, FOKU

Errepresio frankistak 3.507 hildako eragin zituen Nafarroan 1936 eta 1948 artean

Jone Bastida Alzuru

NUPeko Nafarroako Oroimen Historikoari buruzko Funts Dokumentala taldeak egin du ikerketa.

Pantailak Euskaraz ekimenaaurkeztu zuten ekainaren 9an. Irudian, Iñigo Arandia, Aintzane Gamiz, Alex Aginagalde eta Patxo Larrinoa bultzatzaileak. ©Gorka Rubio / FOKU

Plataformetan euskararentzako kuota finkatzeko exijitu diote Madrili

Edu Lartzanguren

Pedro Sanchezen gobernua prestatzen ari den ikus-entzunezkoen legean zehazten da Europako ekoizpenetatik %50 gazteleraz izan beharko dela «edo erkidego autonomoetako beste hizkuntza ofizial batean».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna