Albistea entzun

Espainiako Gorteetarako hauteskundeak. Hego Euskal Herria

EAJk dio Madrilgo zazpigarren eserlekuaren bila doazela

Barakaldon egin dute kanpainako lehen mitina. «Fidatzeko moduko bakarrak» haiek direla esan, eta abstentzioaren «arriskuaz» ohartarazi dute
EAJren hautagaiak, atzo, Barakaldoko mitinean.
EAJren hautagaiak, atzo, Barakaldoko mitinean. ENDIKA PORTILLO / FOKU Tamaina handiagoan ikusi

Irati Urdalleta Lete -

2019ko azaroak 3

Madrilen zazpigarren ordezkaria lortzea. Hori izan da EAJren EBBko buru Andoni Ortuzarrek Barakaldoko (Bizkaia) mitinean bildutako jeltzaleei botatako erronka. Eta ordezkari hori herritarrei aurkezteko ere baliatu du zita: «Jon Aiartza da, deriotarra, eta laugarrena da Bizkaiko zerrendan». Kanpainako bigarren egunean, Ortuzarrek ondoan izan ditu Amaia del Campo Barakaldoko alkatea, Aitor Esteban Bizkaiko zerrendaburua, Josune Gorospe Bizkaiko zerrendako hirugarrena eta Iñigo Urkullu Eusko Jaurlaritzako lehendakaria.

Estebanek esan duenez, euskaldunen botoa Madrilen «erabilgarria» izan dadin, EAJri eman behar zaio botoa: «Erakutsi dugu Euskadirentzat gauzak egin daitezkeela Madrildik ere». Urkulluk azpimarratu du horretarako beharrezkoa dela han ere «talde indartsua» edukitzea. «Euskadiren nortasuna defendatu, eta aurrera egiten jarraitu behar dugu». Estebanek nabarmendu du Madrilen aurrean autogobernua babestu behar dela, eta hori EAJk soilik egiten duela. «Alderdi espainiarrak zentralizazio gogoarekin datoz», ohartarazi du.

Alderdi horien asmoak ere aipatu dituzte. Urkulluk ziurtatu du ez dituztela «konpromisoak betetzen», eta hemen dagoena «okertzen» saiatzen direla. «Katalunia eta Euskadi mezu ezkorrak zabaltzeko soilik aipatzen dituzte», zehaztu du Estebanek.

Proposamen argiak

Madrilen lortzen dituzten ordezkariek zer egingo duten ere azaldu diete Barakaldon bildutakoei. «Programa, proposamenak eta konponbideak dauzkagu, Euskaditik eta Euskadirentzat egindakoak», ziurtatu du Estebanek. Geroago, Urkulluk zehaztu du zer egin nahi duten: Gernikako Estatutua erabat garatu, ekonomia ituna defendatu, industriari laguntzeko neurriak bultzatu, AHTa, inbertsioak egin... Gaineratu du hori dela «pertsonen zerbitzura dagoen politika eraginkorra egitea». Ortuzarrek,berriz, proposamen horiek bete egingo dituztela ziurtatu du: «Guk agindutakoa betetzen dugu, baina ez dakigu beste alderdiek gauza bera esan dezaketen». Proposamen horiek betetzeko ez ezik, botoak beste hainbat ideiari aurre egiteko ere baliatuko dituztela ziurtatu du Estebanek: «Zuen botoa eskatzen dugu Riveraren oldarkortasunari eta Casadoren zentralizazioari aurre egiteko, baita Abascalen frankisten tolerantzia faltari eta fanatismoari ezetz esateko ere».

Hala ere, Ortuzarrek argi du abstentzioa dutela arerio nagusia: «Gure etsaiak ez dira beste alderdiak, abstentzioa baizik». Horretarako, haserre edo zalantzan daudenei eskatu die gertatzen ari denaren aurka «protestatzeko», EAJ bozkatzeko eta inor etxean ez geratzeko. «Fidatzeko moduko bakarrak gu gara, herritarrei ez diegulako huts egiten eta esandakoa betetzen dugulako», gaineratu du. «Urkulluk ere esan du abstentzioa «oso arriskutsua» dela, «Euskadi besteen esku» uztea delako; aldiz, parte hartzea «Euskadiren alde apustu egitea» dela ziurtatu du. «Azaroaren 10ean, ezin gara nahastu eta ezin dugu hutsik egin. Asko daukagu jokoan».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Usansoloko herritarrek egindako mosaikoa. ©OSKAR MATXIN / FOKU

Bizkaiko 113. udalerria izateko azken urratsak ari dira egiten Usansolon

Iñaut Matauko Rada

Prozesuari buruzko erakusketa eta herri mosaikoa egin dute. Ondo bidean, urrian onartuko dute Bizkaiko Batzar Nagusiek desanexioa

 ©RAUL BOGAJO / @FOKU

«Gure ereduaren oinarrietako bat da printzipio komunitarioa»

Iosu Alberdi

Urtebete igaro da Espainiako Gobernuak Arabako, Bizkaiko eta Gipuzkoako kartzelen kontrola Eusko Jaurlaritzaren esku utzi zuenetik. Estrategia berria fintzen ari diren arduradun nagusietako bat da Artetxe.
Etxerat-ek antolatutako mobilizazio bat, Donostian. ©JAGOBA MANTEROLA / FOKU

Salbuespena desmuntatzen hasi den urtea

Iosu Alberdi

Euskal presoen %68,5 Euskal Herriko espetxeetan daude, eta gradu progresioak jasotzen hasi dira. Foro Sozialak uste du azken urtean «aurrerapauso sendoak» eman direla

Iñaki Larramendi: belaunaldi baten azkenetakoa

Iñaki Larramendi: belaunaldi baten azkenetakoa

Julen Aperribai

Txillardegi, Albisu, Gantzarain, Benito del Valle eta beste zenbaitekin batera Ekinen sortzaile izandakoa hil da, 93 urterekin. EGIrekin erabat hautsi, eta ETAren eratze batzarra egin zuen belaunaldi hark, 1958an.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...