Albistea entzun

EKOGRAFIAK

Muturreko normaltasuna

Miren Manias -

2018ko uztailak 27

Aspertuta nengoen iragan domeka arratsaldean. Ez nuen plan berezirik, ezta liburu bat irakurtzeko gogorik ere. Ohiko telebista gailuaren faltan, ordenagailu eramangarria piztu nuen. Internet zabaldu eta Youtube idatzi nuen Googlen. Bideo digitalen gordailua erreminta baliagarria da edozein motatako edukiak aurkitzeko; edozein momentutan eta edozein tokitan zaudela. Nahikoa da bilatzailean idaztea ikusi nahi duzun gaia edo hitza, segundo batean eskaintzen dizkizu milioi batetik gora bideo; dibulgatzaileak, informatiboak, dokumentalak edota korporatiboak. Guztiak ere, ikusi nahi duzun horri lotutakoak.

Ohitura dut Public Broadcasting idazteko eta emaitzen artean dokumentalak aukeratzeko. Hainbat herrialdetan ekoiztutako lanak izaten dira eskuragarri, baina gustuko dut AEBetakoak ikustea. Ez dakit zehazki zergatik egiten dudan haien aldeko haututa. Agian, kontsumitzen dudan bestelako eduki gehiena Europakoa delako. Edozelan ere, kontatu nahi dizuet igande arratsalde aspergarri hartan zer ikusi nuen. Datu masiboen gaineko dokumental puska, hain zuzen: Big Data Revolution (2016); Bitcoin TV kanalean duzue eskuragarri. Honela hasten da: «Munduko objektu guztiek informazioa ekoiztuko dute etorkizun hurbilean; etxeak zein norberaren ibilgailuak, baita gure gorputzak ere». Horren eraginez, bizitzeko, lan egiteko eta pentsatzeko moduak aldatu egingo dira, errealitate berri horretara egokitzeko.

Dena da muturrekoa normala bilakatzen den arte. Alegia, lagunak dauzkat egunaren amaieran jakin nahi dutenak zenbat kilometro egin dituzten, zenbat kaloria erre dituzten, zenbat proteina —eta zeintzuk— jan dituzten, baita euren loaren kalitate maila ere. Datu horiek begiratzeko, gainera, informazioa ekoizten duten gailu pertsonalizatuak dituzte. Eskuko telefonoa balitz bezala. Muturreko jarrera iruditzen zait. Pentsatzen hasita, baina, badira urte batzuk Twitter egunero begiratzen hasi nintzela. Informazio edo entretenimendu bila, erdi beharra bilakatu den arte. Egun, ia orduero begiratzen dut. Susmoa dut bestelako muturreko gertaerekin antzeko zerbait gertatzen ari dela. Adibidez, AEBetako presidenteak «animalia» esatea etorkinei; indarkeria sexistak 48 biktima eragitea urtean (2017); 'Manadako' erasotzaileak aske jarraitzea... normala bilakatuz?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arturo Campion euskaltegiaren 50. urteurrenaren besta, atzo. ©IÑIGO URIZ / FOKU

Beste hamaika istorio bizitzear

Yasmine Khris

IKA Iruñeko Arturo Campion euskaltegiaren 50. urteurrena kari, egun osoko besta egin dute. «Etxea» aurkitu zutela gogoratzera joan dira ikasle berriak, ikasle ohiak eta irakasleak.
 ©MONIKA DEL VALLE / FOKU

«Albokari izaera mitologikoa eman zaio: benetan, jotzea ez da hain gaitza»

Amaia Igartua Aristondo

Kantuak entzuten, eta partitura irakurtezinek lagunduta: hala ikasi du alboka jotzen Koteronek. Autodidakta izan da: tresnaren inguruan ezer gutxi egon denez, sortuz joan behar izan du, beste batzuekin batera. Filosofia irakaslea da ogibidez.
Paul Verhoeven zinemagilearen <em>Benedetta</em> filma (2021) euskarazko azpidatziekin ikus daiteke Movistar Plusen. ©BERRIA

Movistar Plusen 148 film azpidatzi zituzten euskaraz 2021. urtean

Urtzi Urkizu

Iaz, 31 telesailetako 279 atalen euskarazko azpidatziak jarri zituen plataformak. Konpainiak 2014an hasi zuen akordioa Jaurlaritzarekin

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...