Albistea entzun

EKOGRAFIAK

Euskaraz?

Amaia Garcia -

2022ko abenduak 1

Ez dut euskaraz hitz egin nahi». Nire ikastolan ni baino gazteagoak ziren ikasle batzuek esandako esaldia da. Euskara ikasi zuten txikitatik, baina inposaketa bat bezala ikusten zuten euskaraz egitea. Euskara inposaketa bat bezala sentitzea ezinezkoa egiten zait, baina haur horiek hala ikusten zuten bere garaian. Ume kontuak ziren.

Euskaraldian gaude, eta euskararen inguruko hausnarketa egiteko garaia da. Euskara egunero erabiltzen dugu? Euskara egunero erabiltzeko aukera dugu? Zein zailtasun daude? Zein esfortzu egin behar da egunero euskaraz hitz egiteko? Gogoeta eta kontzientziazioa pizteaz gain, Euskaraldia euskaldun berriei laguntzen dien egitasmo aparta dela argi dago.

Euskaldun berriek hizkuntza ikasten duten bitartean, praktikan jartzeko aukera urriak dituzte. Agian beren ingurua ez da euskalduna edota lotsa sentitzen dute hizkuntza ez dutelako guztiz menperatzen. Ahobizi eta belarriprest-en artean, aukera handitzen da. Aurreko igandean, ETB1eko Dailobit saioan euskaldun berrien esfortzu eta istorioak ezagutzeko aukera izan genuen. Lander Arretxeak saioaren naturaltasuna azpimarratu zuen atzo. Euskara ikasteko prozesuetan dauden pertsonekin modu oso erraz batean euskaraz mintzatzeko aukera dagoela erakutsi digu saioak, eta hiztunek egin ditzaketen akatsez ahaztu gara.

Baina zertarako euskara? Horren inguruko eztabaida interesgarria aurki dezakegu Zulora saioaren Euskaraz, zergatik? kapituluan. Bertan, euskara ez dakitenei bidea egin behar zaiela adierazten da, baina zergatia ezbaian geratzen da. «Zertarako behar du pertsona migrante batek euskara jakin, bizirauteko ez badu behar?». Galdera hori plazaratzen du gonbidatu batek. Euskaldun berriei laguntzeko ekimenak sortzen diren bitartean, hizkuntzaren erabilera beste arlo batzuetan sustatu behar dela argi dago.

Euskaldun berrien esperientziak entzutea garrantzitsua dela deritzot. Euskara txikitatik jaso dugunoi arrotzak egiten zaizkigu euskaldun berriek bizi dituzten trabak, eta horregatik garrantzitsuak dira Dailobit bezalako saioak. Igandean, gurasoak ziren euskaldun berriek adierazi zuten euskaraz hitz egiten dutela seme-alabekin. Beren egunerokoa aldatzeaz gain, etorkizuna lantzen ari dira.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Altsasun Momotxorroak aterako dira otsailaren 21ean. ©RAUL BOGAJO / FOKU

Baina noiz dira aurten inauteriak?

Edu Lartzanguren

Goiztiarrenak hasita daude, eta azken Maskarada saioa apirilaren 22an egingo dute, Maulen. 'Dantzan.eus' webguneak 2023ko inauterien egutegia paratu du.

Joel Diaz aurkezle eta umorista ©Vilaweb

TV3eko ‘Zona Franca’ kolokan da, aurkezleak saioa utzi eta gero

Urtzi Urkizu

Joel Diaz aurkezleak ez ezik, Magi Garcia umoristak ere laga du saioa. Egunotan ez dira saioa ematen ari. CUPek TV3eko zuzendariaren dimisioa eskatu du.

 ©JAGOBA MANTEROLA / FOKU

«Donostian inauteriak San Sebastian egunean hasten ziren»

Amaia Jimenez Larrea

XIX. mendean Donostiako inauteriak nolakoak ziren azaltzen duen liburu bat atera du Juan Antonio Anterok. 16 urte zituenean izan zuen lehen harremana inauteriekin, eta geroztik ez ditu alde batera utzi.
Inauterietako eguna ospatu dute Iturenen

Udaberriak ekarri duen soinua

Itsaso Jauregi

Inauterietako eguna ospatu dute Iturenen, eta joaldunek eta mozorroek hartu dituzte herriko kaleak. Tradizioari jarraituz, zubietarren eta aurtiztarren joareak elkartu ziren atzo; gaur, iturendarrek bisita itzuliko diete.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...