Noiz sortua: 2019-04-04 00:30:00

Turisten erdiek baino gehiagok euskara atsegin dutela esan dute

Bisitarien euskararekiko jarrera aztertu du Uemak. Inkesta bete dutenen %85ek eskertu egin dute euskara entzutea edo ikustea
Uemak inkestaren emaitzak azaltzeko emandako prentsaurrekoa, Leitzako udaletxean.
Uemak inkestaren emaitzak azaltzeko emandako prentsaurrekoa, Leitzako udaletxean. BERRIA Tamaina handiagoan ikusi

Ane Ubegun Goikoetxea -

2019ko apirilak 4

Bisitariek euskararekiko duten ikuspegiari buruzko ikerketa bat egin du Uema Udalerri Euskaldunen Mankomunitateak. Erakundeak azaldu du azterketa egin duela turismoak azken urteotan hainbat udalerri euskaldunetan izan duen gorakada dela eta. Ikerketaren emaitzen arabera, bisitarien %85ek eskertu egiten dute euskara entzutea edo ikustea, eta askok berariaz aukeratzen dute udalerri euskaldunetara joatea, euskararekin topo egiteko. Bermeon (Bizkaia), Leitzan (Nafarroa) eta Zumaian (Gipuzkoa) egin dizkiete inkestak bisitariei: 722 galdetegi bildu dituzte denera. Ahize hizkuntza aholkularitzak landu ditu jasotako erantzunak, eta atzo aurkeztu zituzten inkesten emaitzak Leitzako udaletxean.

«Turismoak hizkuntzen erabileran eragina duela ohartuta, gaiari heldu eta euskara turismo eskaintzan nabarmentzeko eta babesteko lanean hasi zen Uema, duela pare bat urte». Hala azaldu du egitasmoa Miren Segurola Uemako koordinatzaileak. Adierazi du euskara «ezkutatzeko eta erdarak nabarmentzeko joera» dagoela gaur egun, eta erakundeak beharrezko ikusi duela erakustea euskara dela udalerri euskaldunen «ezaugarri nabarmenena».

Inkesten emaitzetatik atera duten ondorio nagusia da euskara «erakargarria» dela bisitarientzat. Galdeketei dagokienez, inkesta egin dutenen %93ek adierazi dute ez dutela arazorik izan haiengana euskaraz jo dutenean. Gainera, multzo horretako %47k erantzun dute eskertu egiten dutela «tokian tokikoari balioa ematea» —galdera hori Leitzako eta Zumaiako galdetegietan egin dute soilik—.

Bestalde, gutxienez hamarretik bederatzik erantzun dute eroso sentitu direla euskararekin izan dituzten harremanetan —%95,4k—. «Atsegin dugu» edo «asko gustatu zaigu» erantzun dute erdiek baino gehiagok —%23k eta %31k, hurrenez hurren—, eta «ez digu arazorik sortu» aukera izan da gehienek aukeratu dutena, %41ek aukeratu baitute.

Inkestan egindako beste galderetako bat izan da ea zer iruditu zaien karteletako zein seinaleetako oharrak euskaraz egotea. Turisten %15ek erantzun dute ez dutela atsegin halakoak euskaraz irakurtzea; gainerakoek, aldiz, esan dute ondo konpondu direla, eta azken horietako %45ek baino gehiagok erantzun dute eskertu egiten dutela kartelak euskaraz irakurtzea.

Udazkeneko jardunaldiak

Segurolaren hitzetan, lehen inkesta hori «pertzepzioa» zena datuetara ekartzeko «ahalegin» bat izan da, baina adierazi du arlo horretan lan handia dagoela: «Turismo sektorean euskara nabarmentzeko, erabaki politiko ausartak behar ditugu, gaur egun egiten ari denaren kontrako norabidean, zehazki». Horregatik, gai horrek duen «garrantzia eta estrategikotasuna» ikusita, udazkenean jardunaldi batzuk egingo ditu Uemak, «turismo sektoreari eta erakunde publikoei euskararen beharra ikusarazteko».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Guardia bat pertsona bezero bati tenperatura hartzen, saltoki baten sarreran, Panama Hirian. ©Bienvenido Velasco / EFE

Munduan sei milioi pertsona baino gehiago kutsatu ditu birusak

Berria

375.000 pertsona hil dira COVID-19aren eraginez. Horien artean 105.000, Ameriketako Estatu Batuetan.

Baionako ostatuetako terrazak, artxiboko argazki batean. ©/ ISABELLE MIQUELESTORENA

Ipar Euskal Herrian bigarren fasean sartu dira

Berria

Besteak beste, ostatuak eta jatetxeak ireki ahal izango dituzte; baita kiroldegiak, jostalekuak, parkeak eta antzerki gelak ere.

Gasteizko Andre Maria Zuriaren plazako tabernetako terrazak, jendez beteta. ©JAIZKI FONTANEDA / FOKU

Hegoaldea, hirugarren fasearen peskizan

Edurne Begiristain

Datozen egunetan ere datuak onak badira, astelehenean hirugarren fasera pasatuko da Hego Euskal Herria. Erkidegoek kudeatuko dute nolakoa izango den alarma egoeratik ateratzeko azken urratsa

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna