Noiz sortua: 2020-02-05 00:30:00

Hego Euskal Herrian 5.535 asilo eskaera egin dituzte 2019an

2018an baino hiru aldiz jende gehiagok eskatu du asiloa. 3.395ek Bizkaian egin dute; 891k, Araban; 709k, Nafarroan, eta 540k, Gipuzkoan
Errefuxiatuak Grezian, artxiboko irudi batean.
Errefuxiatuak Grezian, artxiboko irudi batean. ORESTIS PANAGIOTOU / EFE Tamaina handiagoan ikusi

Irati Urdalleta Lete -

2020ko otsailak 5

Urtebetean hirukoiztu egin dira asilo eskaerak Hego Euskal Herrian. Hain zuzen, 2018an, 1.919 eskaera egin ziren, eta, 2019an, 5.535. Beraz, 2019an aurreko urtean baino 3.616 asilo eskari gehiago egin ziren Hego Euskal Herrian. Iaz egindako eskarien ia erdiak (2.328) artatu zituen CEAR-Euskadi taldeak.

Eskaera egiten dutenen nazionalitateari dagokionez, Araban, Bizkaian eta Gipuzkoan, hurrenkerari jarraituz, Venezuelakoak, Nikaraguakoak, Kolonbiakoak, Honduraskoak eta Georgiakoak dira gehienak. CEAR-Euskadik nabarmendu du artatzen dituzten gehienek 18 eta 35 urte artean dituztela, eta erdiak emakumeak eta beste erdiak gizonak direla.

«Gaur egun, iristen diren pertsona gehienak Latinoamerikakoak dira, eta aireportuetatik sartzen dira», azaldu du Patricia Barcenak, CEAR-Euskadiko zuzendariak. Gainera, salatu du iristeko zailtasunak jartzen zaizkiela iraupen luzeko gatazkak dituzten beste nazionalitate batzuetako pertsonei: adibidez, Siriakoei, Yemengoei eta Palestinakoei. Gaineratu du ibilbide «arriskutsuagoak» egitera behartzen dituztela. CEAR-Euskadik artatzen dituen pertsona gehienak giza hondamendietatik ihesi edo antolatutako krimenaren jazarpenarengatik etortzen dira.

Espainia mailako joera ere nahiko antzekoa izan da. 2019an, 118.264 pertsonak eskatu zuten asiloa, aurreko urteko bikoitzak baino gehiagok. Nazionalitateari dagokionez, Venezuelakoak dira gehienak (40.906), eta horien atzetik daude Kolonbiakoak (29.363), Honduraskoak (6.792), Nikaraguakoak (5.931) eta El Salvadorkoak (4.784). Horrenbestez, eskaeren %80 Latinoamerikako pertsonek egin dituzte.

Horien artean, gizonak dira %55 (64.541) eta emakumeak %45 (53.723). Adinari erreparatuz, berriz, asilo eskaera egin dutenen %20 inguru (22.373) adin txikikoak dira, eta erdiek (59.311) 18 eta 34 urte artean dauzkate.

Espainiako Gobernuak dagoeneko erantzun die iaz jasotako 60.198 eskaerari. Horietatik %66ri (39.776) giza arrazoiengatik babesa eman diete. Hau da, ez diete asiloa eman, baina denbora batean Espainian bizitzeko baimena izango dute. 1.653ri errefuxiatuen estatutua onartu diete, eta 1.503k babes subsidiarioa eskuratu dute ez zaie errefuxiatu izaera onartzen, baina jatorrizko lurraldera itzuliz gero ondorio larriak jasan ditzaketenei ematen zaie. Aldiz, Espainiak eskaeren %29 (17.266) baztertu ditu. Guztira, 3.156 pertsonari eman diete nazioarteko babesa errefuxiatuen estatutua eta babes subsidiarioa biltzen ditu, baina CEAR-ek asiloa jende gehiagori onartzeko eskatu du. Izan ere, urtebetean dezente jaitsi da kopurua %25 inguru izan ziren 2018an eta %5 2019an. Horrenbestez, Europako Batasuneko batezbestekotik (%30) oso urrun dago oraindik ere.

Aipatzeko modukoa da babesa onartzeko orduan alde handia dagoela eskatzen duenaren nazionalitatearen arabera. Bereziki nabarmentzekoa da Venezuelako kasua. Izan ere, 39.715 venezuelarrei onartu die babesa, eta 205 baztertu. Beste muturrean dago, esaterako, Kolonbia. Izan ere, 58 kolonbiarren babes eskaerak onartu dituzte, eta 5.168 ukatu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Maria Txibite, Manu Aierdi eta Elma Saiz kontseilariekin parlamentutik ateratzen. ©Idoia Zabaleta, Foku

Bortzgarren neurri sorta onartu du Nafarroako Parlamentuak

Berria

Navarra Sumaren abstentzioarekin eta bertze alderdi guztien baiezko botoarekin onartu dituzte neurriak. Bertzeak bertze, 50.000 eurorainoko diru laguntzak onartu dituzte kultura ogibide dutenentzat, eta alokairua ordaintzeko diru laguntzak hamabi hilabetez luzatuko dizkiete autonomoei eta aldi baterako enplegu erregulazioan daudenei. 

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Behobiako zubia, Irun eta Hendaia artean, itxita. ©Andoni Canellada / Foku

Madrilek atzera egin du: uztailaren 1ean irekiko du Iparraldearen eta Hegoaldearen arteko muga

Jon O. Urain

Aurrena, Reyes Maroto Espainiako Industria ministroak eman du dataren berri, baina gobernuak gero zuzendu egin du ministroak esandakoa. Ia hiru hilabete dira muga itxita dagoela, eta horrek eragozpen ugari eragin dizkie eremu horretan bizi diren herritarrei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna