Noiz sortua: 2019-01-02 00:30:00

Agindu berria preso gaixo guztiei ezartzeko eskatu dute euskal eragileek

Espainiako Gobernuak moldatu egin du gaitz larriak dituzten presoak aske uzteko instrukzioa. Irizpide bakarra ez da izango bizi itxaropena
Kalera Kalera-ren martxa, abenduaren 30ean, Martutene atarian.
Kalera Kalera-ren martxa, abenduaren 30ean, Martutene atarian. JON URBE / FOKU Tamaina handiagoan ikusi

Hodei Iruretagoiena -

2019ko urtarrilak 2

Espainiako Gobernuak bertan behera utzi du gaitz larriak dituzten presoak aske uzteko 3/2017 instrukzioa. PPren gobernuak onartu zuen, duela bi urte, eta haren helburua libre geratzeko baldintzak gogortzea zen. Orain arteko irizpide bakarra presoaren bizi itxaropena baldin bazen, bestelako osagai batzuk ere hartuko dituzte kontuan hemendik aurrera, protokolo berri batekin; besteak beste, gaixo dauden pertsonek kartzelan daukaten «bizi kalitatea». Eduardo Zaplana PPko ministro ohiaren kasua litzateke bat —leuzemia du—. Hainbat euskal eragilek irizpide berriak preso guztiei ezartzeko eskatu dute; hots, euskal presoei ere bai.

Sarek zuhurtziaz hartu du erabakia. «Espero dugu urte luzez gaixo dauden presoen egoera konpontzeko tresna izango dela indargabetze hau, eta ez soilik Zaplanaren kasuari aterabidea ematekoa». Jonan Fernandez Jaurlaritzako Bizikidetza idazkari nagusiak «berdintasun printzipioa» errespetatzeko eskatu du eta «salbuespenik» ez egiteko irizpide horiek ezartzean. Antzera hitz egin du EAJren BBBko buru Itxaso Atutxak: «Denentzat bete dadila legea». Arkaitz Rodriguez Sortuko idazkari nagusiak esan du gaitz larriak dituzten presoek aske behar dutela, eta PSOEren gobernuari espetxe politikan pausoak azkartzeko exijitu dio —Kalera Kalera dinamikak abenduaren 30ean Martutene Donostiako kartzelara egindako martxan mintzatu zen Rodriguez—.

Vocento taldeak eman zuen 2017ko instrukzioaren deuseztapenaren berria, abenduaren 31n, eta Fernando Grande-Marlaska Barne ministroak baieztatu egin zuen. Dokumentu bat prestatu du gobernuak, presoen osasun egoera aztertzen duten medikuek horren araberako diagnosia egin dezaten. Hiru aukera jasotzen ditu agiriak: presoa «hilzorian» ote dagoen; «epe motzera» egoera okertu daitekeen —sei hilabete eta urtebete artean—; edo «epe ertainera» ote letorkeen arriskua —urtebete eta bost urte artean—. Gainera, 0 —heriotza— eta 100 —bizi arrunta egiteko moduko egoera— arteko puntuazioa ere eman beharko diete presoei.

Angel Luis Ortiz Espainiako Espetxe Instituzioetako idazkari nagusiak abenduaren 17an sinatu zuen «oso gaitz larri eta sendaezinengatik medikuen txostenak egin» eta kartzela zigorren «etetea tramitatzeko» instrukzioa, 6/2018 izenekoa. Espetxeetako zuzendariek kartzela bakoitzeko Tratamendu Batzordeari edota Jose Luis Castro Auzitegi Nazionaleko Espetxe Zaintzako epaileei igorri beharko dizkiete medikuen txostenak, baina, orain arte bezala, espetxe erakundeek izango lukete azkeneko hitza.

Egun, 21 euskal preso daude gaitz larri eta sendaezinekin, Jaiki Hadi elkartearen azken datuen arabera —horietatik, hamahiruk egin dute publiko beren egoera—.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osasun langileak lanean, Gurutzetako ospitalean. ©MARISOL RAMIREZ / FOKU

Auzitegi Nagusiak dio Osakidetzak ez zuela babes baliabide nahikoa

Ainhoa Larretxea Agirre - Irati Urdalleta Lete

Osakidetzak «ontzat» jo du ebazpena, «ez dituelako aintzat hartu sindikatuen eskaera gehienak». ESK sindikatuak jarri zuen salaketa, eta ekainaren 16an egin zuten epaiketa

Osakidetzako langile bat Txagorritxuko laborategi batean lanean. ©Gorka Rubio, Foku

Justizia Auzitegi Nagusiak ebatzi du Osakidetzak arriskuan jarri dituela langileak

Ainhoa Larretxea Agirre - Mikel P. Ansa

Osagileen sindikatuek jarri zuten salaketa, eta ekainaren 16an egin zuten epaiketa. ESK sindikatuak Nekane Murga Osasun sailburuaren eta Osakidetzako zuzendaritzaren dimisioa eskatu du. Osakidetzak, ordea, «positibotzat» jo du ebazpena, epaileak atzera bota dituelako sindikatuen «eskari gehienak».

Jendea paseoan, konfinamendua arintzeko lehen fasean. ©JON URBE/ FOKU

Jaurlaritzak ziurtatu du COVID-19aren agerraldiak «kontrolatuta» daudela

Irati Urdalleta Lete

Beste hamalau positibo eta hiru hildako daude. Jaurlaritzak pentsatu du neurriak areagotuko dituela jende pilaketak «mantenduz eta orokortuz» gero

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna