Noiz sortua: 2019-09-12 00:30:00

Presoen egoerari buruzko txosten bat aurkeztuko dute NBEren aurrean

Sarek eta EHUko Ikasmirak ikerguneak prestatu dute. Eskubideen urraketen berri ematen du
Txostenaren aurkezpena, atzo, Bilboko Kafe Antzokian.
Txostenaren aurkezpena, atzo, Bilboko Kafe Antzokian. LUIS JAUREGIALTZO / FOKU Tamaina handiagoan ikusi

Gotzon Hermosilla -

2019ko irailak 12

NBE Nazio Batuen Erakundeak bost urterik behin aztertzen du giza eskubideen egoera 193 estatu kideetan, eta aurten Espainiako Estatuari dagokio azterketa hori gainditzea. Horretaz jakitun, Sare Herritarrak eta EHU Euskal Herriko Unibertsitateko Ikasmirak ikasketa juridikoen diziplinarteko ikerguneak txosten bat prestatu dute, NBEren Giza Eskubideen Batzordeari igortzeko euskal presoek pairatzen dituzten giza eskubideen urratzeen inguruan. Txostena Bilbon aurkeztu dute, euskal gizarteko ordezkari ezagun ugarik lagunduta.

Sareko eledun Begoña Atxak eta Joseba Azkarragak aurkeztu dute txostena. Esan dutenez, haien lanaren xede nagusia giza eskubideen defentsa da, «sufrimenduak amaitzea eta bizikidetzan aurrera egitea», eta xede hori «ideologia eta interes partidisten gainetik» dago. Baina eginkizun horretan, behin baino gehiagotan egin dute topo «Espainiako eta Frantziako gobernuen sentsibilitate faltaren harresiarekin», eta, horregatik, gero eta gehiago ari dira euren ahaleginak «Europara eta mundura» bideratzen.

Azkarragak gogora ekarri du 203 euskal preso Espainiako 40 espetxetan daudela, eta horietatik gehienak (%65,1), 2.000 kilometro baino gehiagora daudela. «Euskal Herriko espetxeetan lekua badago, zergatik atxikitzen dituzte euskal presoak milaka kilometrora?», galdetu du.

Urtea amaitu aurretik

Ez dago zehazturik NBEren Giza Eskubideen Batzordeak txostena jaso ostean zer protokolori jarraitu behar dion, batzordea osatzen duten kontalarien esku baitago hori, baina litekeena da kontalariek informazio gehiago eskatzea edo txostena egin duten elkarteekin harremanetan jartzea. Datu guztiak eskuan, espero izatekoa da NBEk bere ondorioak plazaratuko dituela urtea amaitu aurretik, urrian edo azaroan, seguru asko.

Jende ezagun ugari elkartu da Bilboko Kafe Antzokian txostenari babesa emateko: Pili Zabala eta Rosa Rodero indarkeriaren biktimak, Daniel Arranz Espainiako gobernadore zibil ohia, Iñaki Zarraoa Getxoko alkate ohia (EAJ), Felix Cañada, Jone Goirizelaia eta Arantza Zulueta abokatuak, Ramon Zallo, Paco Letamendia eta Pedro Ibarra EHUko irakasleak, Javier Madrazo Eusko Jaurlaritzako Etxebizitza eta Gizarte Gaietako sailburu ohia, Andoni Aizpuru ETBko aurkezlea, ELA, LAB, CCOO eta Steilas sindikatuetako kideak, eta abar.

Carlos Garaikoetxea eta Juan Jose Ibarretxe lehendakariek, Garbiñe Biurrun epaileak, Javier Sadaba filosofoak eta beste zenbaitek ere atxikimendua adierazi dute, egon ez badira ere.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 4an eguneratua. ©BERRIA

Koronabirusaren azken datuak

Berria

Azkeneko 24 orduetan zortzi lagun hil dira COVID-19 gaitzaren eraginez. Bederatzi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.607 gaixok eman dute positibo guztira, koronabirusa atzemateko probaren bat eginda. Horietatik 2.086 hil dira. Grafikoak, albiste barruan.

Maria Txibite, Manu Aierdi eta Elma Saiz kontseilariekin parlamentutik ateratzen. ©Idoia Zabaleta, Foku

Mugaz bi aldeetako bidaiak errazteko eskatu du Nafarroako Parlamentuak

Berria

Navarra Sumaren abstentzioarekin eta bertze alderdi guztien baiezko botoarekin onartu dituzte neurriak. Bertzeak bertze, 50.000 eurorainoko diru laguntzak onartu dituzte kultura ogibide dutenentzat, eta alokairua ordaintzeko diru laguntzak hamabi hilabetez luzatuko dizkiete autonomoei eta aldi baterako enplegu erregulazioan daudenei. 

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Behobiako zubia, Irun eta Hendaia artean, itxita. ©Andoni Canellada / Foku

Madrilek atzera egin du: uztailaren 1ean irekiko du Iparraldearen eta Hegoaldearen arteko muga

Jon O. Urain

Aurrena, Reyes Maroto Espainiako Industria ministroak eman du dataren berri, baina gobernuak gero zuzendu egin du ministroak esandakoa. Ia hiru hilabete dira muga itxita dagoela, eta horrek eragozpen ugari eragin dizkie eremu horretan bizi diren herritarrei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Gotzon Hermosilla

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna