Albistea entzun

Servinik Espainian galdekatuko du Martin Villa, martxoaren 20an

Ikerketa faseko deklarazioa izango da, eta auzipetutako beste lagun batzuk ere itaunduko ditu
Maria Servini epailearen esku dago Argentinako kereila. Irudian, Servini, Buenos Airesen, 2017ko irailean.
Maria Servini epailearen esku dago Argentinako kereila. Irudian, Servini, Buenos Airesen, 2017ko irailean. DAVID FERNANDEZ / EFE Tamaina handiagoan ikusi

Edurne Begiristain -

2020ko urtarrilak 17 - Gasteiz

Martxoaren erdialdean Espainiara bidaiatuko du Maria Servini epaile argentinarrak, Rodolfo Martin Villa Espainiako ministro ohia galdekatzeko. Frankismoko krimenak ikertzen ari da Servini epailea, biktimek Argentinan jarritako kereilaren harira, eta horrekin lotuta hartuko dio deklarazioa Martin Villari. Beste auzipetu batzuk ere galdekatuko ditu. Ikerketa faseko deklarazioa izango da, eta epaileak ondoren erabakiko du epaibidera igorri ala ez.

Hainbatetan atzeratu da Martin Villak justiziarekin zuen hitzordua. Azkenekoz, joan den abenduaren 11n: deklaratzeko eguna zuen Argentinako Auzitegi Nazional Kriminal eta Korrekzionalean, baina azkenean martxora atzeratu zuten. Servinik, azkenik, galdeketa Madrilen egitea erabaki du. Argentinako enbaxadan itaunduko du Martin Villa, martxoaren 20an. Espainiako Barne ministro ohia ez ezik, Argentinako kereilaren barruan auzipetuta dauden beste lagun batzuk galdekatzeko ere baliatuko du bidaia epaileak. Argentinako kereila ikertzen duen funtzionario talde batekin joango da Madrilera itaunketak egitera.

Hainbat aldiz atzeratuta

2014ko urrian inputatu zuten Martin Villa aurrenekoz Argentinan, eta Servini epaileak behin baino gehiagotan egin dio estradizio eskaera Espainiari. Espainiako ministroen kontseiluak atzera bota zuen horietako bat, 2015eko martxoan, eta auzitegiek ere jarrera bera izan dute ondoren. Espainiako Auzitegi Nazionalak ebatzi zuen Servinik ez duela eskumenik Espainian egindako ustezko delituengatik Martin Villa galdekatzeko. Gainera, argudiatu zuen delitu horiek preskribatu egin dutela eta 1978ko Amnistia Legea indarrean dagoela.

Gizateriaren aurkako krimenak egotzi dizkiote Martin Villari Martxoaren 3ko gertaerengatik. Baina, horiez gain, 1977ko amnistiaren aldeko astearekin lotutako krimenak eta bestelako batzuk ere leporatzen dizkiote, Argentinako kereilaren barruan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Agurne Gaubeka, apirilean, Iruñean. ©Jaizki Fontaneda / Foku

Behatokiak eta Kontseiluak «kezkaz» hartu dute Gorenaren erabakia

Joxerra Senar

Agurne Gaubekaren arabera, bereziki kezkagarria da lan deialdietan euskara eskakizunak «bakarrik» judizializatu nahi izatea, eta horren harira Araban, Bizkaian eta Gipuzkoan «sindikatu, eragile eta alderdi batzuk» hartu duten jarrera

Koldo Tellitu Ikastolen Elkarteko ikasturte hasierako ekitaldian, gaur goizean, Bergaran ©Aritz Loiola / FOKU

Ikastolek «desengainua» hartu dute Hezkuntza Legearen aurreproiektuaren zirriborroarekin

Irati Urdalleta Lete

Jokin Bildarratzek egotzi die Ipar Euskal Herrian Parisekin bilera bat lortuta «baikor» daudela, baina Araba, Bizkai eta Gipuzkoan, «hamaika aldiz» bildu eta adostasunak lortu arren, «desengainua» hartu dutela: «Ulergaitza egiten zait».

Sansoheta zentroa 2016an, kasua ezagutu zenean. ©JUANAN RUIZ/ FOKU

Sansohetako nerabeen prostituzio auziaren epaiketa etzi hasiko da

Edurne Begiristain

Hamar pertsona epaituko dituzte, sexu abusua eta adingabeei pornografia erakustea leporatuta

Udaltzainak, Irungo udaletxearen aurrean, artxiboko irudian. ©JON URBE / FOKU

Gorenak ezetsi egin du Irungo udaltzainen euskara eskakizunei buruzko helegitea

Joxerra Senar

EAEko Auzitegi Nagusiaren iazko epaiari Irungo Udalak jarritako kasazio helegitea ez du onartu Auzitegi Gorenak. Argudiatu du udalaren idatziak ez duela betetzen legearen exijentzia nahikorik.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.