Albistea entzun

Arartekoak ehunka kexa jaso ditu izurriaren kudeaketagatik

Javier Enerizek 2020ko txostena aurkeztu du Nafarroako Parlamentuan. Poliziaren jarduna eta zahar etxeen kudeaketa salatu dituzte askok
Zahar etxeen egoera salatzeko protesta bat, iaz.
Zahar etxeen egoera salatzeko protesta bat, iaz. IDOIA ZABALETA / FOKU Tamaina handiagoan ikusi

Ion Orzaiz -

2021eko ekainak 4

COVID-19aren izurriak eta salbuespen egoeraren kudeaketak sektore askori eragin die azken urtebete luzean. Salbuespen neurriak, zenbait sektoreren itxiera eta Poliziaren jokabidea salatu dituzte herritar askok, eta kexa horiei erantzuteaz arduratu dira Nafarroako Arartekoaren bulegoan. Atzo, Javier Eneriz arartekoak 2020. urteko txostena aurkeztu zuen Nafarroako Parlamentuan.

«Pandemiak baldintzatu egin ditu bai gure lan urtea, baita jasotako kexak ere», esan zuen. Zehazki, 3.416 ekinbide tramitatu zituzten Arartekoaren bulegoan iaz: herritarrek aurkeztutako 1.416 kexa, 1.740 kontsulta eta bederatzi proposamen; ofizioz abiaturiko 17 jardunbide; eta tokiko administrazioek eskatutako bi txosten.

Kexen atalean, «izurriari lotutakoak» izan ziren ugarienak, Enerizen esanetan. Zahar etxeen kudeaketa izan zen kritika askoren jomuga: «Batez ere, senideen bisitak bertan behera geratu zirenean». Horiekin batera, Arartekoak iaz jasotako dozenaka salaketaren oinarrian daude administrazioaren neurri murriztaileek eragindako kalteak desgaitasun bat dutenek pairatutakoak, bereziki, kontsumitzaileen eskubideak, joan-etorriei ezarritako trabak eta etxe barruko bileren debekua.

Polizia eta Osasunbidea

Bestalde, Enerizek esan du Poliziaren jokabideak ere kexa ugari eragin dituela, «alarma egoera zaintzeko ekintzengatik». Azkenik, Arartekoaren bulegoan jasotako zenbait salaketak«lotura dute osasun zentroekin harremanetan jartzeko zailtasunekin, maskara jantzita eramateko betebeharrarekin, aisiaren eta kirolaren esparruetako murrizketekin eta ikasturte hasierako segurtasun neurriekin». Kexa horien ondorioz, Arartekoak 866 ikerketa abiatu zituen, eta 325 ebazpen argitaratu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Emakume bat Azpeitiko kaleetan (Gipuzkoa) ibiltzen ©Jon Urbe/ Foku

Positiboen ehunekoa %1,8 da Hego Euskal Herrian

Edurne Begiristain

Beste 178 kasu atzeman dituzte 9.659 proba diagnostikoetan.

Hainbat lagun itsasotik gertu, Donostian. ©GORKA RUBIO / FOKU
Seaskako bigarren mailako irakasleek prentsaurrekoa egin dute goizean, Kanbon. ©Guillaue Fauveau

Azterketak euskaraz pasatzeko eskatu diote Seaskako irakasleek Blanquerri

Oihana Teyseyre Koskarat

Uztailaren 1ean manifestazioa eginen dute, 18:00etan, Donapaleun.

Eustaten atuen arabera, gizonen % 84,8k egunean bi ordu edo gutxiago pasatzen dituzte etxeko lanak egiten, baina emakumeen % 29,9 hiru ordu edo gehiagoz aritzen dira horretan. ©Berria

Langileen ia %28k zailtasun handiak dituzte lana eta haurren zaintza bateratzeko Araban, Bizkaian eta Gipuzkoan

Edu Lartzanguren

Eustatek 'Lana, familia eta norberaren bizitza bateratzeari buruko inkesta' delakoaren emaitzak plazaratu ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.