Albistea entzun

Frantziako Gobernuak gibelera egin arte segitu nahi dute sindikatuek

Trenbideetako langile bat atxikirik izan du Poliziak. «Blokeatze ekintzak» egitera deitu dute
Baionako Polizia Etxe aurrean egindako elkarretaratzea, LABeko kidea atxikirik zutenean.
Baionako Polizia Etxe aurrean egindako elkarretaratzea, LABeko kidea atxikirik zutenean. AMAIUR KOSKARAT Tamaina handiagoan ikusi

Oihana Teyseyre Koskarat -

2019ko abenduak 20 - Baiona

Bosgarren aldiz jarraian atera ziren karrikara erretreten erreformaren kontrako herritarrak, atzo. Baionan, manifestazioa egin zuten ehunka lagunek. Martxa abiatzeko orduan, LABeko kide bat atxilotu zuen Frantziako Poliziak, identifikazioa ukatu zuela eta. Manifestariek polizia etxeraino segitu zuten ibilbidea, bertan zegoen kideari elkartasuna adierazteko. Sindikatuetako bozeramaileek poliziaburuarekin hitz egin ahal izan zuten, eta handik gutxira, libre utzi zuten.

Gobernua makurrarazteko, manifestazioez gain, «ekonomia blokeatzeko» pausoak eman behar zirela adostu zuten sindikatuek aste hasieran. Ekin zioten beraz, estrategia horri. Asteazkenean, Baionako geltokian, Parisera joatekoa zen tren bakarra oztopatu zuten dozenaka lagunek. Oren batez egon ziren burdinbidean, eta lortu zuten trena berandu abiaraztea. SNCF enpresak horren harira prozedura judiziala abiatu du dagoeneko.

Atzo goizean, Medef enpresarien elkarteko presidentearen enpresa blokeatu zuten ehun bat manifestarik Arrangoitzen (Lapurdi). Momentu berean, Cassin lizeoko ikasleek ikastetxea blokeatu zuten, eta manifestaziora batu ziren. Lehen lerroan egon ziren ikasleak. Manifestazioa Baionako Industria eta Merkataritza Ganberaren atarian bukatu zuten «erretreten erreformarik ez» oihu artean. Bururatzean, Eñaut Aramendi LABeko bozeramaileak jakinarazi zuen sindikalista bat atxilotu zuela Poliziak, eta polizia etxera joateko dei egin zuen. Dozenaka lagunek martxa segitu zuten, eta iristean, dozena bat polizia zituzten zain, eraikinera hurbiltzea eragozteko. Sindikatuetako delegazio bat bildu zen poliziaburuarekin, eta kidea askatu zuten.

Mugimenduari segida emateko hainbat ekintza iragarri zituzten. Garraioa eta logistika dituzte helburu nagusi, eta gaur, Mugerreko (Lapurdi) pleitagunea blokeatuko dute, goizean goizetik. Bihar, manifestazioa egingo dute Baionako Ikea saltokian hasita.

Bi aldeak segida antolatzen

Eguberriko bakantzen hurbiltzearekin kezkati mintzatu ziren sindikatuak, «iritzi publikoa» buruan zutela. Frantziako Gobernuak «komunikazio operazioen bidez greba mendratu nahi» duela esan zuten. Hala ere, Eguberri arte mobilizatzeko prest agertu ziren sektore gehienak, «inpaktu handiagoa ukaiteko parada baita». Saltoki handien eta garraioaren bidez, ekonomia blokeatzeko ekintzak ugaritzeko deia egin zuten.

Azken egunetan, Frantziako Gobernua, CFDT erakarri nahian, prest agertu da erreforma aldatzeko. Zehazki aipatu du CFDTk gogoko ez duen «oreka adina». Macron prest legoke erretiroaren benetako adina atzeratuko duen aldaia aldatzeko, baldin eta horrekin lortzen badu sindikatuen batasuna haustea eta erreforma eztabaidatuak babes garrantzitsu bat ziurtatzea. Negoziaziorako «borondatea» ontzat hartu du Laurent Berger CFDTko buruak, baina ziurtatu du «oso urrun» daudela akordio batetik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

EAJko buru Andoni Ortuzar eta CEOEko buru Antonio Garamendi. ©LUIS TEJIDO / EFE

EAJk berretsi du ez duela abstentziora joko ez bada lan itunen lehentasuna aldatzen

Xabier Martin

EAJko presidente Andoni Ortuzarrek esan du ez dela egongo «abstentzio taktikorik» eta ez duela «pasatzen utziko»,  «sinplea eta erraza» delako erkidegoetako lan hitzarmenen nagusitasuna jasotzea erreforman. CCOOko buru Unai Sordok dio bi urte gelditzen direla legegintzaldian «aldaketak egiteko».

Ontzi bat Bilboko portuan sartzen ©Luis Jauregialtzo (Foku)

Esportazioak pandemia aurreko kopuruetara itzuli dira

Jokin Sagarzazu

Petrolio olio finduak, ontzigintza eta siderurgia nabarmentzen dira. Autogintzak ere gora egin du, Araban bereziki; Nafarroan, aldiz, behera.

Sidenorreko behargin bat, lanean, Basauriko fabrikan. ©MARISOL RAMIREZ / FOKU

Basauriko Sidenorren lan ituna adostu dute, eta KPItik behera igoko dituzte soldatak

Xabier Martin

LSB-USO, Senda de Ugarte, UGT eta CCOO sindikatuek 2026. urte arteko lan hitzarmena egin dute zuzendaritzarekin, eta soldatak %2,5 igoko dira aurten.

Guggenheimeko garbitzaileek Bilbon egin duten manifestazioa. ©Monika Del Valle / FOKU

Guggenheimeko garbitzaileek babesa eskatu diete hura diruz hornitzen duten erakunde publikoei

Imanol Magro Eizmendi

223 egun daramatzate greban, eta Jaurlaritzak esku hartzea erabaki du, baina, oraingoz, artekari moduan bakarrik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.