Albistea entzun

Hondakinen gainean eraiki obra bat geldiarazi dute Angelun

Claude Olive auzapezak agindu du obra behin-behinean gelditzeko. Eraikitzen ari diren lur eremuan hondakindegi bat zegoen lehen
Hondakinen gainean eraikitako Angeluko obra, atzo goizean.
Hondakinen gainean eraikitako Angeluko obra, atzo goizean. GUILLAUME FAUVEAU Tamaina handiagoan ikusi

Oihana Teyseyre Koskarat - Ekhi Erremundegi Beloki -

2022ko irailak 29 - Baiona

Hugo Clement Frantziako kazetari ezagunak egin zuen salaketa, astearte arratsaldean, Twitter sare sozialean zabaldutako bideo baten bidez. Angeluko (Lapurdi) BAB 2 merkataritza gunetik hurbil dagoen eremu batean, Eiffage enpresa egiten ari den eraikuntza bat ikus daiteke. Lurrean, hondakin mordoa ageri da, hondeamakinek lurrarekin nahasi eta mugitua. Horiek dira errekatxo baten ondoan dagoen eraikuntza berriaren zimenduak. «Ozeano Atlantikoa ere ondoan da», azaldu du bideoan kazetariak, asaldaturik.

Agiri bat zabaldu du Angeluko Herriko Etxeak, obra berehala geldiaraztea erabaki dutela jakinarazteko. Baina, atzo goizean, lanean segitzen zuten Eiffage eraikuntza enpresako langileek; Frantziako Poliziak geldiarazi behar izan zituen. Era berean, seinalamendua egin die herriko etxeak Euskal Hirigune Elkargoari eta DDTM lurraldeen eta itsasoaren departamenduko zuzendaritzari. Etxebizitza Publikoaren Pirinio Atlantikoetako Bulegoak bizitegi sozialak eskuratu behar ditu proiektu horretan, baina zehaztu dute ez duela eraikuntzarekin inolako zerikusirik. Hala baieztatu dio Claude Olive Angeluko auzapezak ere BERRIAri: «[Herenegun] Gauetik zernahi idatzi da: Etxebizitza Publikoaren Pirinio Atlantikoetako Bulegoa ez da lurren jabea, ez da ezer sinatua», haserretu da. Olive bera da bizitegi sozialez arduratzen den egitura horren arduraduna.

Angeluko auzapezak behin eta berriz errepikatu du: «Ez da herriko etxearen ardura». Zehaztu du Carrefour Property dela lurren jabea eta 2013ko hirigintza planaren arabera eman zitzaiola eraikitzeko baimena. «Etxebizitza berrietan, %40 bizitegi sozialak izan behar dira. Horregatik jo zuten etxebizitzaren bulegora». Oliveren hitzetan, hondakindegi bat zegoen garai batean lur horietan, eta hondakin bizigabeak lirateke bertan. «Eraikuntzaren oinarriak egiteko lurrak altxatu direnean agertuko ziren hondakinak. Baina, segitu aitzin, hortik kendu beharko zituzten», ohartarazi du. Halaber, lurren zundaketa eta bestelako egiaztatzeak egitea Euskal Hirigune Elkargoaren ardura zela erran du. BERRIAk Ipar Euskal Herriko instituzioaren komunikazio zerbitzuari dei egin dio bere bertsioa ukaiteko, baina, oraingoz, ez du erantzunik jaso.

Herenegun arratsaldean seinalamendua jaso zutenean herriko etxeko zerbitzuak obren lekura bidali zituela kontatu du Angeluko auzapezak, eta ordutik Carrefour taldearekin harremanean eman direla. «Hegazkina hartu dute, eta eraikuntza enpresari kontuak eskatzera etorri dira. Hondakin guziak atera behar dira hortik; horren baieztapen idatzirik ez dudan bitartean, ez dute segitzen ahalko». Aferak izan litzakeen segida administratibo eta juridikoez mintzatzeko «goizegi» dela erran du.

Oposizioaren salaketa

Sandrine Derville (PS) Angeluko oposizioko hautetsiak gogorki salatu du egoera. «Ikuspegi juridiko soil batetik begiratuta, Carrefour Property enpresarena da ardura, baina herriko etxeak eraikitzeko baimen bat eman du, lurren ikerketa batean oinarrituta. Beraz, nola liteke hondakinak badaudela ez jakitea? Are gehiago, angeluarrok ongi dakigu lehen hondarkindegi bat zegoela lur horietan. Arreta handiz ibili behar zuen herriko etxeak». Dervillek, bestalde, «espero» du obra gelditzeko agindua errespetatuko dutela «behar bezalako azterketak egin arte».

Obra eramaten duen Eiffage enpresarekin eta Carrefour Property lurren jabea den enpresarekin hitz egiten saiatu da BERRIA, baina oraindik ez dute erantzun.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Idurre Eskisabel. ©Euskalgintzaren Kontseilua

Idurre Eskisabel izango da Euskalgintzaren Kontseiluko idazkari nagusi berria

Julen Aperribai

Karguan hamabi urte egin dituen Paul Bilbao ordezkatuko du Durangon, Kontseiluaren 25. urteurreneko ekitaldian. Lehentasuntzat jo du «kohesio sozialaren eta justizia sozialaren arloan» lan egiten duten eragileekin aliantzak sendotzea.

Feministalidaren hamazazpigarren edizioaren aurkezpena, gaur, Donostian ©Andoni Canellada / FOKU

‘Ahoa narras’ izenburupean egingo dute Feministaldiaren hamazazpigarren edizioa

Isabel Jaurena

Azaroaren 30etik abenduaren 3ra bitarte izanen da jaialdia, Donostiako Tabakaleran.

Donostiako geltokia, artxiboko irudi batean. Gaur zen martxan jartzekoa behin-behineko geltoki berria. ©Gorka Rubio / FOKU

Renfeko 10.000 erabiltzaileri baino gehiagori eragin die Andoain eta Irun arteko etenak

Berria

Gaur jarri dute martxan Donostiako behin-behineko geltokia, baina espero baino beranduago. 04:00 aldera ziren zirkulazioa zabaltzekoak; arazoa, ordea, 12:30erako konpondu dute.

Sanferminetako talde bortxaketaren sententziaren aurkako protesta, 2016an, Nafarroako Auzitegiaren aurrean. ©IÑIGO URIZ / FOKU

Nafarroako Auzitegiak ez ditu murriztuko sexu indarkeriagatik ezarritako zigorrak, lege berrian aplikagarri baldin badira

Ion Orzaiz

Sententziak kasu bakarrean berrikusiko dituzte atzerako eraginez: espetxeratuei ezarritako kondena handiagoa baldin bada soilik baietz da baietz legean delitu horri dagokion gehienezko zigorra baino.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...