Albistea entzun

Idlibera begira jarri da Damasko

Errusiak ez du probintzia horretan «operazio handirik» izaterik nahi. «Garaipenaren eguna hurbil da», Siriako presidenteak dioenez
Al-Quneitra hirian zeuden matxino islamistak autobusetan atera zituzten.
Al-Quneitra hirian zeuden matxino islamistak autobusetan atera zituzten. EFE Tamaina handiagoan ikusi

Ander Perez Zala -

2018ko abuztuak 2

Gero eta gutxiago geratzen zaio Siriako presidente Baxar al-Assadi gerra irabazteko. Alde batetik, arlo politikoan, Siriako Kontseilu Demokratikoarekin negoziatzen hasi da —hau da, kurduak gehiengo diren Siriako Indar Demokratikoak miliziaren indar politikoarekin—, bide orri bat zehaztu eta «Siria deszentralizatu eta demokratiko bat» lortzeko. Bestetik, arlo militarrean, arrakastak besterik ez ditu lortu azken urtean, eta, egunotan hego-mendebaldean matxino islamisten esku zegoen probintziaren kontrola berreskuratu ostean, Siriako presidentea ipar-mendebaldean dagoen Idlib probintziara begira jarri da, matxino horien esku dagoen azken eremuari begira. «Gure garaipenaren eguna hurbil da», adierazi zion atzo armadari.

Errusiak, Siriako Gobernuaren aliatu nagusiak, pisu handia izan du Al-Assaden arrakastetan, eta Siriako gerrako zein nazioarteko jokalari garrantzitsuenetako bat bilakatu da. Beraz, Damaskok kontuan hartzen ditu Moskuren iritziak; Idlibi begira, esaterako, Errusiaren Siriako mandatari Aleksander Lavrentievek adierazi zuen ez dutela «eskala handiko operaziorik» nahi probintzia horretan, eta zibilen segurtasuna bermatzea dela garrantzitsuena.

Azken hilabeteotan erabilitako estrategia da Lavrentievek atzo aipaturikoa: matxinoen esku dagoen eremu bat indarrez hartu beharrean akordio baten bidez berreskuratzea; bide horri jarraituz, Moskuk Idlib probintziara eraman izan ditu matxino islamistak eta haien senideak, baina egun probintzia hori da matxinoen esku dagoen bakarra. Erasoaldi militarrik gabe, irtenbidea zein den zehaztu beharko du Damaskok, aliatuekin batera. Eta, zeregin horretan, Turkiak pisu handia izan lezake.

Golango gaina

Siria hego-mendebaldeko Daraa probintzia eta Golango gainak —Israelek hartutako eremua— izan dira azken egunotako protagonista nagusiak. Estatu Islamikoak, esaterako, gutxienez 302 pertsona hil eta 250 zauritu zituen probintzia horretan egindako hainbat erasotan.

Golango gainetan, Ekialde Hurbileko etsai historikoen arteko talka eragozteko, Errusiak akordioa egin zuen Israelekin, Iranen tropak eremutik 85 bat kilometrotara urruntzeko. Mugatik hurbil izateagatik, Tel Avivek Teheranen indarrei eraso egin zien hilabeteotan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Karakalpakstango 22 ekintzaileren kontrako epaiketaren hasiera, joan den astelehenean, Uzbekistango Bukhara hirian. ©BERRIA

Karakalpakstango protesten epaiketa hasi du Uzbekistanek

Gorka Berasategi Otamendi

Hogei urte arteko zigorrak eskatu dituzte 22 auzipetuen kontra. Manifestariek salatu zuten presidenteak eskualde autonomoaren subiranotasuna ezabatu nahi zuela konstituzio erreforma batekin

Macron eta Putin prentsaren aurrean, joan den otsailaren 7an Moskun egindako bileraren ondoren. ©EFE

Macronek eskatu du Errusiaren segurtasun bermeak aintzat hartzeko

Igor Susaeta

Frantziako presidenteak elkarrizketa batean adierazi duenez, Putinek gerraren amaiera negoziatzea onartzen baldin badu, aintzat hartu behar da NATO «bere ateetaraino heltzeko duen beldurra»
Turkiaren erasoaren aurkako manifestazio bat, azaroaren 20an, Qamixlin. ©EFE

SDFk jakinarazi du eten egin dituela AEBekin egiten ari ziren operazioak

Igor Susaeta

Milizia kurduak indar nagusitzat dauzkan eta Pentagonoaren babesa duen koalizioak ohartarazia zuen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.