Albistea entzun

AEK-k eta ikastolek elkarlanean egin dute Korrikako unitate didaktikoa

Ikastetxeetarako eta euskaltegietarako balio du bi eragileen artean sortu duten materialak

Ekhi Erremundegi Beloki -

2022ko martxoak 5 - Ziburu

Ikastetxe eta euskaltegietarako prestatu dituzten 22. Korrikaren unitate didaktikoak aurkeztu dituzte AEK-k eta Ikastolen Elkarteak Ziburuko (Lapurdi) Piarres Larzabal kolegioan. Bilduma osoa www.korrika.eus webgunean eman dute eskuragarri, eta osorik online lantzeko aukera dago. Ikastolen Elkarteak sortu ditu unitateak, baina, hezkuntza zentro guzietan lantzeko modukoak direla erran dute. AEK eta ikastolen arteko «elkarlana» azpimarratu du Asier Amondo Korrika-ko arduradunak.

Koldo Tellitu Ikastolen Elkarteko lehendakariak eta Peio Jorajuria Seaskakoak ere parte hartu dute agerraldian, eta Korrikak ikastolentzat duen garrantzia azpimarratu dute. «Ikastolak Korrika zaleak gara; auzolanean oinarritutako ekinbide horrek bat egiten du gure balioekin», adierazi du Tellituk, euskarari «beste kolore bat» ematen diola gaineratuta. Jorajuriaren hitzetan, «euskararen uharte bat» da Seaska Ipar Euskal Herriko ikastoletako ikasle anitzentzat; hizkuntzarekin duten harreman bakarra. «Korrikak erakusten die ez direla bakarrak; euskara festa bat da, euskara borroka bat da». Unitate didaktikoek horretan laguntzen dute, haren ustez.

Ipuinak, jokoak, kantua...

Askotariko materiala aurki daiteke Korrikari buruzko unitate didaktikoetan. «Aurtengo berritasunen artean ipuin baten bideoa dago: Pilota gorri batekin; Gaizka Chamizo aktorearekin egindako elkarlana. Horrez gain, unitateetan aurtengo Korrikaren kanta eta dokumentala jorratzen dira, eta omenduen berri ematen dute, eduki bakoitza maila ezberdinetara egokitua», aipatu du Iñaki Zapirain unitateen egileak. Korrikahoot, Kahoot plataformarekin sortutako jokoa ere prestatu dute.

Amaia Lopez de Luzuriagak, berriz, euskaltegietarako atazak aurkeztu ditu. Adierazi du aurten Korrikaren hainbat mugarriren inguruan sortu dituztela atazak; eta, horrez gain, «aberasgarritzat» jo du jolas interaktiboen erabilera, «hainbat trebetasun lantzeko» balio baitu. Gainera, aipamen berezia egin die gurasoentzat sortutako atazei, euskaraz ikasten ari diren guraso eta umeen arteko transmisioan eragitea helburu dutela nabarmenduta.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mauleko mainfestazioa, gaur. ©Guillaume Fauvea

Etxebizitza espekulazioaren aurka mobilizatu dira Maulen

Oihana Teyseyre Koskarat

Etxe agentzietan itzuli bat osatuz egin dute protesta, XEKK Xiberuko Espekulazioaren Kontrako Kolektiboak antolatuta.

Manifestazioa, gaur, Donostian. ©Itaia Donostia.

Ziztada bidezko erasoak salatu, eta indarkeria matxistaren aurka antolatzera deitu dute

Berria

Itaiak manifestazio bat egin du Donostian, 'Ziztadarik ez. Erasoen aurrean babesa antolatu' lelopean.

Indarkeria matxistaren kontrako informazioa, Baionako bestetan. ©P. BELTZAIZ

Talde bortxaketa egotzita, behin-behinean kartzelara

Oihana Teyseyre Koskarat

Baionako bestetan izandako bortxaketaren harira, bi gizon preso sartu dituzte auzia egin arte. Bi gizon zigortu dituzte sexu delituak leporatuta

Atzemandako kalamua. ©Ertzaintza.

700 kilo marihuana atzeman ditu Ertzaintzak Abantoko errepide batean botata

Berria

Kutxatan eta poltsatan gordeta zegoen kalamua, urbanizazio baten inguruko pista batean, bide ertzean botata. Merkatuan bi milioi euroko balioa lukeela zehaztu du Ertzaintzak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...