Albistea entzun

Negu gorrian elkartasun bizia

Josu Jimenez Maia - Idazlea

2019ko abuztuak 21

Ozeanoz beste aldean, Uruguaiko hiriburu den Montevideon, Euskal Herriaren aldeko elkartasun sugarrak bizirik dirau. Hogeita bost urte pasatuta ere. Bitxia da, horrelako kopuruak zenbakiz jarriz gero, —25— ez du horrenbeste denbora denik ematen. Horregatik, hogeita bost idatzi dut, letraz letra. Letrarik letra eta urterik urte abuztuak 24 data esanguratsua da, urtero egin ohi baita manifestazioa, Obeliskotik abiatuta, Artigas bulebarrean zehar eta Filtro-raino. Aurten ere bai, ez baitute ahaztu 1994ko abuztuaren 24an, gose greba egiten ari ziren hiru euskal errefuxiaturi babesa azaltzen ari ziren hainbat lagunei Polizia oldartu zitzaiela Filtroko ospitalearen atarian, hainbat eta hainbat lagun balaz zauritu, eta Fernando Morroni gaztea tiroz hil zuela polizia batek; eta gau horretan bertan, Roberto Facal argazkilariari ere labankadaz eraso egin ziotela ezezagun batzuek, eta berta hil.

Fernando Morroni zenaren familia ezagutzeko ohorea izan dut, eta haren ama Normak emandako oroigarri xumea begien aurrean daukat, baina ez dut horren beharrik Normaren begirada gogoratzeko: duintasuna darie Normaren begiei, abuztuaren 24ko manifestazioan pankartari eusten diolarik, hogeita bost urtez, —letra guztiekin idatzia—.

Hogeita bost urte iragan dira. Fernando Morroni hil eta biharamunean, gaztearen gorpua zetzan beilategira euskal errefuxiatu talde ttipi bat hurbildu zen, azken agurra emateko asmoz. Kalea jendez mukuru egonik ere, euskaldunak hilkutxa zegoen tokiraino igo ziren; hilkutxaren ondoan, Norma Morroni. Orduan gertatu zen: bi emakume, uruguaitarra bata, euskalduna bestea, haien arteko bi hitz eta besarkada trinko bat, burkideak eta minkideak, bat eginda.

Filtroko sarraskia zizelkatuta gelditu da Uruguaiko herriaren gogoan, Uruguaiko herritarrak euskaldunen babes eskubidearen alde borrokatu baitziren, gogor borrokatu ere. Ozeanoz alde honetatik, gure omenaldia eta gorazarre, hor egon direlako, eta badaudelako. Baiki, Filtro-n gertatutakoa Uruguaiko historian mugarri izateaz gain, euskal memoriaren atal garrantzitsu bat ere badelako.

Uruguairen eta Euskal Herriaren arteko lotura ez da eten. Izan ere, zer da, bada, ozeano bat, ur potxingo bat baizik, elkartasunaren sugarra itzaltzerik ez duena, hango negu gorrian bada ere.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...