Ariguneak bilatzeko unea

Datorren urteko Euskaraldian parte hartuko duten entitateen lagin bat aurkeztu dute Bilbon
Euskaraldiarekin bat egin duten hamabost entitatetako ordezkariak, atzo, Bilboko Itsas Museoan.
Euskaraldiarekin bat egin duten hamabost entitatetako ordezkariak, atzo, Bilboko Itsas Museoan. MARISOL RAMIREZ / FOKU Tamaina handiagoan ikusi

Maite Asensio Lozano -

2019ko abenduak 3

Datorren urteko Euskaraldirako giroa sortzen hasi da jada. Azaroaren 20tik abenduaren 4ra izango da, baina, pixkanaka, ari dira izena ematen ariketa sozial horretan parte hartu nahi duten entitateak. Atzo horietako hamabost agertu ziren jendaurrean, beren konpromisoa erakustera. Edozein tamaina, izaera edo jatorri izan dezakete entitateok, eta horren erakusle izan zen Euskaltzaleen Topaguneak eta gainerako erakundeek Bilbon aurkeztutako lagina.

Izena eman duten entitateetako bat da Duguna, Iruñeko dantza taldea. Batez ere gaztelaniaz jardun izan direla azaldu du Aritz Ibañez kideak: «Baina duela zazpi urte gure Euskaraldi propioa egitea erabaki genuen». Dantzarietako asko euskaldunak ziren ordurako, eta hizkuntza ohiturak aldatzea erabaki zuten. «Entseguetan euskaraz egiten hasi ginen, eta horrek dinamika zabalago batera eraman gaitu: egun, entseguetatik kanpo ere izugarri igo da euskararen erabilera». Iaz kide gehienek hartu zuten parte Euskaraldian: «Jakin gabe, arigune izan ginen, eta datorren urtean kontzientzia osoz izanen gara».

Horixe izango baita bigarren Euskaraldiak ekarriko duen jauzia: pertsonen hizkuntza ohiturak aldatzea ez ezik, taldeetako harremanetan ere eragin nahi du. Hortaz, entitateek protagonismo berezia izango dute euskaraz aritzeko guneak zabaltzeko eta areagotzeko. Ikuspegi horrek beste berritasun bat ekarriko du: ahobizi eta belarriprest rolez gain, ariguneen kontzeptua sortu dute. «Euskaraz lasai egiteko gune babestuak izango dira», Rita Aldabaldetreku Euskaraldiko koordinatzaileak azaldu duenez.

Euskaraz une oro hitz egiteko aukera bermatuko dute eremu horiek: «Arigunea osatzen duten kide guztiek euskara ulertu behar dute, eta euskaraz hitz egin nahi dutenekiko aldekotasuna adierazi behar dute». Entitateen barrura zein kanpora begira egon daitezke ariguneok: lehenen helburua da barruko funtzionamendua euskaraz izatea, eta bigarrenena, euskarazko zerbitzua eskaini ahal izatea.

Horretan ari dira izena eman duten entitateak: ariguneak identifikatzen, sortzen eta bultzatzen; izan ere, baldintza horiek betetzea ezinbestekoa izango da parte hartzeko. Kutxabankeko ordezkari Eduardo Ruiz de Gordejuelak berretsi du inplikazio handiagoa eskatzen duela 2020ko Euskaraldiak, baina emaitza onak espero dituztela: «Nahiko erakunde elebiduna dugu ezagutzaren eremuan, baina orain erabilerari heldu nahi diogu».

Entitateek datorren urteko uztailera arte izango dute zabalik izena emateko epea; ondoren, ahobizi eta belarriprest roletan arituko direnek 2020ko irailetik azarora eman ahalko dute izena.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

18 kasatzeman dituzt azken ordueta Zangozan. ©Iñigo Uriz/FOKU

Beste neurri batzuk hartuko dituzte Zangozan

Berria

Azken orduetan, 18 positibo atzeman dituzte han. Hego Euskal Herrian, 234 positibo izan dira.

Kaltzda Zahar eguneko zenroa, Bizkaian. ©Marisol Ramirez/FOKU

Eguneko zentroak irekiko dituzte gaur Araban

Berria

Zahar etxeetako murrizketek abuztuaren 9ra arte jarraituko dute indarrean.

Basurtuko erietxearen kanpo aldean ostiralean hasi ziren PCR probak egiten. ©JAVIER ZORRILLA / EFE

Berriro ere berrehun positibo baino gehiago egun bakarrean: 255

Mikel P. Ansa

Bezperan baino 39 kasu gutxiago detektatu dituzte azkeneko 24 orduetan, baina berrehuneko langatik gora jarraitzen dute eguneko kasu berriek. Nafarroak osasun arreta indartuko du.

Emakume bat Zisjordaniako Bani Naim herrian maskarak saltzen, hil hasierako irudi batean. ©ABED AL HASHLAMOUN / EFE

Palestinako kasuek gora jarraitzen dute, neurriak gogortu arren

Ander Perez Zala

PANek 11.000 positibo baino gehiago baieztatu ditu, eta haren diru sarrerak %80 txikitu dira

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Maite Asensio Lozano

Informazio osagarria