Albistea entzun

Maliko presidentea eta lehen ministroa bahitu dituzte militarrek

Gobernuaren aurka altxatu dira, eta Bamakoko hainbat gune estrategiko inguratu dituzte
Militarrak Bamakoko kaleetan sartzen, atzo.
Militarrak Bamakoko kaleetan sartzen, atzo. MOUSSA KALAPO / EFE Tamaina handiagoan ikusi

Iosu Alberdi -

2020ko abuztuak 19

Maliko Gobernuaren aurka altxatu zen atzo militar talde bat, estatu kolpe saiakera bati hasiera emanez. Bamako hiriburuko hainbat gune estrategiko bereganatu zituzten, eta, taldeak adierazi zuenez, Ibrahim Boubacar Keita presidentea eta Boubou Cisse lehen ministroa gatibu hartu dituzte. Altxamenduan parte hartu zuen militarretako baten esanetan, Katiko base militarrera eraman zituzten, Bamakotik hamabost kilometrora.

Altxamendua goizeko lehen orduan hasi zen. Militarrek Katiko base militarra hartu zuten, eta handik armak hartu ostean, Bamakorako bidea hartu zuten. Hainbat testiguren arabera, tiro hotsak entzun ziren hori gertatu bitartean. Besteak beste, Defentsa Ministerioa, Armadako Agintaritza eta ORTM telebista publikoaren egoitza inguratu zituzten. Hainbat hedabideren arabera, manifestari ugari atera ziren hiriburuko kaleetara, estatu kolpea babestera. Izan ere, azken hilabeteetan indarra hartu dute Keitaren dimisioa eskatzeko mobilizazioek. NBE Nazio Batuen Erakundearen arabera, hamalau lagun hil ziren uztailaren 10ean, estatuburuaren aurkako protestetan. Hala, manifestazioen bultzatzaileek ekintzak areagotzeko deia egin zuten herenegun.

Journal du Mali egunkariak Twitter bidez zabaldu zuen Abdoulaye Daffe Ekonomia ministroa bahitu zutela «gizon armatu batzuek», 08:00 aldera. Hedabide berak adierazi zuen Asanblea Nazionaleko presidente Moussa Tiembine ere bahitu zutela, etxean zegoela. Beste hainbat goi kargudun ere atxilotu zituztela zabaldu zen; tartean, Defentsa eta Atzerri ministroak. Gerora iritsi zen militarren mezua. Presidentea eta lehen ministroa atxiki dituztela adierazi zuten.

Agintarien lehen hitzak ez ziren arratsaldera arte iritsi. Orduan, ustez Cisse lehen ministroak sinatutako agiri bat argitaratu zuten. Testuan, «armak isiltzeko» exijitu zien altxamenduan parte hartu zutenei, eta «elkarrizketa» eskatu: «Ez dago gure Mali maitearen gainetik egon daitekeen arrazoirik nazio osoarentzat kaltegarriak izan daitezkeen ekintzak aurrera eramateko».

Nazioarteko erreakzioak berehala iritsi ziren. Ecowas Afrika Mendebaldeko Estatuen Ekonomia Erkidegoak «matxinada» hitza erabili zuen gertatutakoa gaitzesteko, eta kuarteletara itzultzeko eskatu zien militarrei. Altxamenduaren aurka «beharrezko neurriak» hartzeko prest agertu zen. Frantziako Atzerri ministro Jean Yves Le Drianek ere antzeko mezua zabaldu zuen, Konstituzioari men egiteko eskatuz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Extinction Rebellioneko ekintzaileak, gaur, Varsovian. ©Rafal Guz / EFE

Herrialdeen planak ez dira aski Parisko Hitzarmeneko xedeak betetzeko

Iñaki Petxarroman

Nazio Batuen Erakundeak (NBE) ohartarazi du, oraingoz, mahai gainean dauden planak oso urrun daudela Parisko Hitzarmenak helburu duen bi gradutik beherako berotzea lortzeko.

Anbulantzien ilara bat, Errusiako San Petersburgo hiriko ospitale baten kanpoaldean. ©ANATOLY MALTSEV / EFE

Merkelek esan du txertoa hartu dutenek EBn bidaiatzeko pasaporte bat izango dutela

Julen Aperribai

COVID-19ak jota hildako 6.959 lagun erregistratu ditu OMEk, azaro erdialdetik egun bakarrean izan den gutxien. Merkelek esan du txertoa hartu dutenek EBn bidaiatzeko pasaporte bat izango dutela

Bosnia eta Kroaziaren artean harrapatuta

Legez kanpo itzularazten, Europaren atarian

Iñaki Agirre

Europara heltzeko bidean, 3.000 migratzaile daude harrapatuta Bosnia eta Kroazia arteko eremuan. Hortik, EBko muga gurutzatu, eta, Kroazia eta Eslovenia oinez zeharkatuz, bidaia arriskutsu bat egiten dute Italiara heltzeko. Baina Kroaziako Poliziak atzeman eta legez kanpo itzultzen ditu, askotan indarkeria erabiliz.

Alex Salmond Eskoziako lehen ministro ohia, gaur, parlamentuko ikerketa batzordean. ©EFE

Alex Salmond: «Eskoziako buruzagitzak huts egin du»

Ander Perez Zala

Eskoziako lehen ministro ohiak parlamentuko ikerketa batzordean deklaratu du gobernuak gaizki kudeatu zituela haren aurkako sexu eraso salaketak. Agintari izandakoak baieztatu du kexa agertu zuen emakumeetako baten identitatea jakinarazi ziotela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.