Albistea entzun

Burlata morez janzten

Erika Salvatierra, Irune Iroz eta Estefania Irurita - Burlatako feministak

2019ko abuztuak 24

Burlatako jaiak amaitu dira, zapore gazi-gozoa utziz. Ezer baino lehen, azken asteetan Burlatako bizilagunengandik, zein beste hamaika lekutakoengandik, jaso dugun babesa eskertu nahiko genuke. Mila esker, txupinazoko testuinguruan eta aurretik bizi izandako zentsuraren harira, inposaketen aurka eta herri borondatearen defentsan helarazitako animo mezuengatik. Mila esker, halaber, plazan zeundeten baina balkoian gure ondoan sentitu zintuztegun pertsona orori. Herri Erakundeei, gure aterpe izateagatik eta egunero egiten duzuen lanagatik. Naizen-eko familiei, zuen esker keinuekin gu hunkitzeagatik. Eta, azkenik, jaietan zehar zapi morea eraman duzuen guztiei; Burlatak pertsona guztiok kabida dugun gizarte anitz eta parekide baten alde apustu egiten duela ikusarazteko zuen hondar alea jarri duzuen guztiei. Eskerrik asko, bihotzez!

Tamalez, egun hauetan bizi izandako guztiak ez dira esperientzia onak izan. Eraso matxistek suposatzen duten lakra sozialaren aurkako kontzientziazioan aurrerapausoak eman baditugu ere, asko gara sistema zapaltzaile honen, zisheteropatriarkatuaren, ondorioak pairatu ditugunak. Horregatik, eraso ezberdinak jasan ditugula salatu nahi dugu; esaterako, etxerako bidean jarraituak izatea, segurutzat ditugun guneetan gure intimitatea apurtzea, emakume izateagatik gutxietsiak izatea edo bi mutil elkar muxukatzeagatik irainduak izatea. Noiz arte?

Ozen eta garbi esan nahi dugu nazkatuta gaudela! Ez dugula inolako erasorik onartuko! Horiei aurre egiteko prest eta elkarrekin gaudela! Eta egunez egun lanean jarraituko dugula ez inork, ez ezerk, ez diezagun oztopa aske izatea eta desio duguna egitea.

Gora borroka feminista! Gora Burlata feminista!

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...