Noiz sortua: 2020-06-19 00:30:00

Wolfratexek 28 milioi maskara egingo ditu hilero, Bergaran

Enpresak hamazazpi lanpostu sortuko ditu denera, eta lau ekoizpen lerro izango ditu martxan
Wolfratexeko langileak maskarak egiten atzo, Bergarako lantegian.
Wolfratexeko langileak maskarak egiten atzo, Bergarako lantegian. MARISOL RAMIREZ / FOKU Tamaina handiagoan ikusi

Aitor Biain -

2020ko ekainak 19

Wolfratex enpresako arduradunek elkarlanaren aldarria egin zuten atzo, maskarak ekoizteko Bergaran (Gipuzkoa) ireki duten lantegiaren inaugurazio ekitaldian. «Elkarlanean sinesten dugu, eta filosofia honekin jarraitu nahi dugu, ezin baititugu gure osasun beharrak beste herrialdeen esku utzi», adierazi zuen Ion Agirrebeña Wolfratexeko kontseilariak. Elkarlanaren ondorio baita Wolfratex bera ere: Lazpiur, Egile, Enbalan3 eta IDR enpresen lankidetzari esker eratu da enpresa, eta Eusko Jaurlaritzaren laguntza ere izan dute. Enpresako kide bat COVID-19az gaixotu izanak eta osasun krisiak eragindako krisian lagundu nahi izanak batu zituen lau enpresak.

Bi lerro dituzte oraingoz, eta bederatzi langile: zazpi milioi maskara egiten ari dira hilean. Uda amaierarako, ordea, 28 milioi ekoitzi nahi ditu enpresak, eta horretarako beste bi makina jarriko dituzte datorren astean. Denera, hamazazpi lanpostu sortzea espero du enpresak. Egiten dituzten maskarak kirurgia arlokoak dira, 2R motakoak, babes handienekoak. Mondragon taldeko Bexen Medical ere babes handieneko 60 milioi maskara egiten ari da hilero, Etxebarrin (Bizkaia).

Euskal Herrikoak ez ezik, mundu osoko bezeroak ere badituztela adierazi zuen Agirrebeñak; erakunde publikoak eta osasun arloko enpresak nahiz banatzaileak dira denak. Hain zuzen, Gipuzkoako Foru Aldundiak milioi bateko eskaria egin dio enpresari, eta beste zortzi milioi erosiko dizkio Osakidetzak. Hala ere, Agirrebeñak esan zuen 100 milioi ere egin ditzaketela, «makinak egiteko gaitasuna eta teknologia» dutelako eta lehengaiak ere «tokikoak» direlako.

«Gerra bat izan zen»

Arlo pribatuaren eta publikoaren lankidetza azpimarratu zuten arduradun publikoek ere. Eusko Jaurlaritzako Industria sailburuorde Javier Zarraonandiak eta Gipuzkoako ahaldun nagusi Markel Olanok gogora ekarri zuten zer-nolako zailtasunak izan zituen administrazioak birusa gogorren jotzen ari zen garaian babes materiala eskuratzeko. «Gerra bat izan zen», esan zuen Zarraonandiak. Bada, material hori bertan ekoizteko euskal enpresek egindako apustua azpimarratu du. Olanok, berriz, industriak krisi egoeretan egiten duen ekarpena nabarmendu zuen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Ordiziako positiboekin lotutako 48 kasu zenbatu dituzte dagoeneko

Ordiziako positiboekin lotutako 48 kasu zenbatu dituzte dagoeneko

Arantxa Iraola - Jon Ordoñez Garmendia

Maskara erabiltzea nahitaezkoa izango da Gipuzkoako herri horretan, eta tabernetako jarduna mugatu egingo dute. Beste taberna bat itxi dute, langile batek «positibo ahula» eman duela eta.

Urkullu mitin batean, Zornotzan, ekainaren 27an. ©Jaizki Fontaneda / Foku

Urkulluk ez du Ordizian bozketak atzeratzeko asmorik

Igor Susaeta

Eusko Jaurlaritzako jarduneko lehendakariaren ustez, bozkatu ahal izateko baldintzak «guztiz» bermatuta daude.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna