Albistea entzun

AEBek militarrak baliatuko dituzte osasun arreta bermatzeko

Koronabirusaren aurkako neurriak zorroztuko dituzte Alemaniako, Italiako, Portugalgo eta Suediako gobernuek ere, Eguberrietarako
AEBetako militar bat herritar bati COVID-19aren kontrako txertoa jartzen, Maryland estatuan.
AEBetako militar bat herritar bati COVID-19aren kontrako txertoa jartzen, Maryland estatuan. MICHAEL REYNOLDS / EFE Tamaina handiagoan ikusi

Arantxa Elizegi Egilegor -

2021eko abenduak 22

Neurriak gogortzen ari dira nazioartean. Egunetik egunera, eta osasun egoera okertu ahala, gobernuak murrizketa gehiago ezartzen ari dira koronabirusaren pandemiari aurre egiteko. AEBetakoa da horietako bat. Txertaketan jarriko ditu indarrak Joe Biden presidenteak. Etxe Zuriak herrialdeko armadako mila militar baliatuko ditu lanez gainezka dauden osasun langileei laguntzeko. Horrez gain, koronabirus probak egiteko guneak ugarituko dituzte, erizain gehiago jarriko dituzte txertaketa guneetan, eta doan banatuko dituzte 500 milioi test azkar.

AEBetan asko zabaldu da omikron aldaera, kasu kopuruan nagusi bilakatzeraino. Gaitzen Kontrolerako eta Prebentziorako Zentroak bildutako datuen arabera, azken astean positiboen %73 izan dira omikronenak. Adituek orain arte ondorioztatu dutenez, aldaera berria aurrekoak baino arriskutsuagoa ez bada ere, azkarrago zabaltzen da, eta, beraz, errazago kutsatzen.

AEBetako Gobernuak adierazi du herrialdean beste itxialdi bat ezartzeko erabakia saihestu nahi duela; hori dela eta, Bidenek herritarrei eskatu die «txertatuta egonda ere» leku itxietan maskara erabiltzeko, eta «ahal dela» segurtasun distantziei eusteko. Batzuek dagoeneko aurreratu dute datozen asteak «erabakigarriak» izango direla Bidenen presidentetzarako.

Alemanian ere neurri murriztaileak ezarriko dituzte abenduaren 28tik aurrera. Esaterako, taldetan bildu daitekeen jende kopurua mugatuko du gobernuak. Gehienez ere, hamar lagun elkartu ahal izango dira, txertatuta dauden herritarrak eta gaitza gainditu dutenak barne. Taldean txertatu gabekoren bat bada, gehienez ere beste bi etxetan bizi diren kideekin elkartu ahal izango da. Horrez gain, itxi egingo dituzte gaueko aisialdiarekin lotutako tabernak eta dantzalekuak.

Italiako Gobernuak bestelako bidea aukeratu du. Erromak iragarri du hilaren 23tik aurrera derrigorrezkoa izango dela kalean maskara erabiltzea Erromako eta Lazioko eskualdeetan, baina ez dute baztertzen neurria herrialde osora zabaltzea. Horrez gain, eta neguko oporrek irauten duten bitartean, osasun langileek hamar egunetik behin egin beharko dute koronabirusa atzemateko proba. Italiak 30.000 kasu atzeman zituen atzo, eta gobernuak iragarri du ez dutela neurri murriztaile gehiago hartuko, «egoerak bere horretan irauten badu».

Portugalgo Gobernuak, berriz, aurreratu egin ditu urtarrilerako iragarriak zituen neurriak, eta murrizketa gehiago ezarriko ditu Eguberrietarako. Besteak beste, herritarrek test negatibo bat aurkeztu beharko dute jatetxeetan sartu ahal izateko.

Izurriari aurre egiteko neurriak zorroztuko dituzte Suedian ere. Gobernuak aurreratu duenez, telelana areagotzeko eta tabernetan gutxieneko tartea gordetzeko erabakiak hartuko dituzte, besteak beste.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Abortuaren aldeo manifestazio bat, New Yorken, atzo. ©SARAH YENESEL / EFE

Oklahomak ia guztiz debekatuko du abortua

Berria

Estatuko Ordezkarien Ganberak AEBetako abortu legerik murriztaileena onartu du: amaren bizitza arriskuan badago edo bortxaketa ala intzestua izan bada baimenduko du soilik. Gobernadorearen sinadura falta da indarrean sartzeko.

Gizon indigena bat, Napalpiko Sarraskia azaltzen duen kartel baten paretik pasatzen, Argentinako Napalpi herrian. ©BERRIA

Napalpiko sarraskian estatuak erantzukizuna izan zuela ebatzi du auzitegi batek

Igor Susaeta

Epaiaren arabera, frogatuta gelditu da «gizateriaren kontrako krimenak» egin zituztela. Qom eta moqoit komunitateetako 200-300 indigena hil zituzten 1924an. Erreparazioa egiteko neurri batzuk agindu ditu epaileak.

 ©BERRIA

«Planak frogatzen du bi estatuen irtenbidea posible dela oraindik»

Gorka Berasategi Otamendi

Palestina eta Israel konfederazio batean biltzeko proposamenaren xedea da «hogei urteko blokeoaren ostean» erantzun «berriak» ematea bakea eragotzi duten auziei, «horren kostu handikoak» izan ez daitezen.
Niinisto Finlandiako presidentea, Biden AEBetakoa eta Andersson Suediako lehen ministroa, atzo. ©OLIVER CONTRERAS / EFE

NATOko idazkari nagusiak esan du Turkiaren kezkak aztertuko dituela

Mikel O. Iribar

Stoltenberg ziur da arazoari konponbidea emango diotela. Ukrainak adierazi du ez duela nahi su etenik, Errusia erretiratzea baizik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...