Agur kutsua du

Caster Semenya Dohan ariko da gaur. «Noiz alde egin asmatzea jakinduria kontua da. Alde egiteko gai izatea, adore kontua. Burua tente alde egitea, duintasun kontua», esan du
Caster Semenya.
Caster Semenya. J.-CHRISTOPHE BOTT / EFE Tamaina handiagoan ikusi

Julen Etxeberria -

2019ko maiatzak 3

Gaur hasiko da Diamantezko Liga, Dohan, eta bertan ariko da Caster Semenya. Atleta hegoafrikarra lehen aldiz lehiatuko da proba batean, 400 metro eta milia bat (1.609 metro) arteko lasterketetan parte hartzeko bere berezko testosterona maila jaisteko botikak hartzera behartu dutenetik.

Hasiera batean, ez zuen izena eman Dohan korri egiteko, baina azkenean, lehian izango da. 800 metrokoan ariko da, 19:07an hasita. Haren ondoan izango dira Francine Niyonsaba burundiarra eta Margaret Wambui kenyarra, Semenya bezala, botikak hartzera behartuta dauden beste bi atleta.

Hirurek azkenekoz egin dezakete korri distantzia horretan. Izan ere, Nazioarteko Federazioak (IAAF) ezarri eta Kirola Arbitratzeko Epaitegiak (TAS) ontzat jo duen debekua hilaren 8an jarriko da indarrean. Ikusteko dago zer egingo duen Semenyak data horretatik aurrera. Atzo bi mezu idatzi zituen Twitterren. «Noiz alde egin asmatzea jakinduria kontua da. Alde egiteko gai izatea, adore kontua. Burua tente alde egitea, duintasun kontua», zioen aurrenekoak. Hori idatzi eta berehala hasi zitzaizkion bere jarraitzaileak ez erretiratzeko eskatuz. Jarraian etorri zen bigarren mezua: «Halakoa naiz, eta halakoa izango naiz beti. Egina nago guztiz». Aurki emango du argibideren bat.

Sebastian Coe IAAFeko presidentea ere Dohan da, eta atzo esan zuen «pozik» dagoela TASek hartutako erabakiagatik. «Oso argi dago. Atletismoak bi sailkapen ditu: adinarena eta sexuarena. Biak babestu nahi ditugu, eta oso pozik nago TASen erabakiak hori ahalbidetuko baitu».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna