Albistea entzun

Muriel Boxen lan guztiak emango ditu Zinemaldiak

Zinema jaialdiak atzera begirakoa eskainiko dio zuzendari ingelesari, eta hark zuzendutako 28 film luzeak proiektatuko dituzte Donostian

Erredakzioa -

2018ko abuztuak 3 - Donostia

Donostiako 66. Zinemaldiak atzera begirakoa eskainiko dio Muriel Box zinema zuzendari eta gidoigileari (Surrey, Ingalaterra, 1905-Londres, 1991). Hark idatzi eta zuzendu zituen 28 film luzeak emango ditu jaialdiak, ohar baten bidez atzo jakinarazi zuenez.

Nagusiki 1945. eta 1964. urteen artean landu zuen Boxek bere obra, eta haren ezaugarri nagusia izan zen gai konplexuak edo tabu zirenak jorratzea, hala nola prostituzioa, adingabeei eginiko abusuak, abortua, seme-alaba ez-legitimoak nahiz nerabeen arteko sexu harremanak. Filmok egin zituen testuinguru sozial eta politikoa aintzat hartuta, ausartzat jo da haren begirada. Eta funtsezkotzat hartzen da haren ekarpena 50eko eta 60ko hamarkadetako zinemagintza ingelesean.

Boxek script lanetan hasi zuen bere ibilbidea. 1940. urtean, Bigarren Mundu Gerra betean, Verity Films ekoiztetxea sortu zuen Sydney Box senarrarekin —haren ahizpa Betty Boxen laguntza izan zuten—, gerra propagandako film laburrak finantzatzeko. Gerraren ostean, Gainsborough Pictureseko gidoigintza ataleko ardura hartu zuen, eta orduan zuzendu zuen The Lost People (1949). Bi urte geroago, Sydney Boxek London Independent Producers sortu zuen, eta «ez zineman ez gizartean ongi ikusiak ez zeuden hainbat gai» landu zituen, ia beti berak eta senarrak idatzitako gidoiekin.

Boxen obra zinema independentean sailkatu ohi da. Genero ugari landu zituen, tartean komedia —To Dorothy a Son (1954), The Truth About Women (1957) zein Rattle of a Simple Man (1964)—, drama —The Beachcomber (1954), This Other Eden (1959) edota Too Young to Love (1960)— eta zinema poliziakoa —Street Corner (1953), Eyewitness (1956) nahiz Subway in the Sky (1959)—.

1946an, jatorrizko gidoi onenaren Oscar saria irabazi zuen, senarrarekin batera idatzitako The Seventh Veil filmagatik. Bera izan zen sari hori irabazi zuen bigarren emakumea; Frances Marion izan zen lehena.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Denis Martinez eta Olaia Valle dantzariak, Barakaldo antzokian, <em>Esna</em> obraren entsegu batean. ©OSKAR MATXIN EDESA / FOKU

'Esna' ikuskizuna ondu dute Marie de Jongh eta Doos konpainiek

Olatz Enzunza Mallona

Dantza eta antzerkia uztartuko dituen ikuskizun bat ondu dute elkarlanean Marie de Jongh eta Doos konpainiek: 'Esna'. Joko esperimentu gisa definitu dute. Bihar izango da estreinaldia.

 ©Mailo Oiarzabal

Pasio baten fruituak

Mailo Oiarzabal - Gipuzkoako Hitza

Urteetan jasotako eta gordetako bertso grabazioak transkribatzea erabaki zuen Xabier Unanuek duela ia hogei urte. 42.000 bertso baino gehiagoko bilduma osatu, eta Zestoako liburutegiari utzi dio.

Soledad Sevilla erakusketaren aurkezpenean, atzo, <em>Gatza</em> oihalaren aurrean. ©MAIALEN ANDRES / FOKU

Soledad Sevillaren 'Nire paisaia propioa' ikusgai dago Kubo Kutxan

Naroa Torralba Rodriguez

Soledad Sevilla artistaren 'Nire paisaia propioa' ikusgai dago Kubo Kutxan. Ibilbide baten proposamena da. Berak aukeratu ditu obrak eta kokapena

<em>Ketariatik mundura</em> pastoralaren bost partaideak. ©BERRIA

Elkanoren bidaia, pastoral «ttipi» batean, bihar, Iruñean

Uxue Rey Gorraiz

'Ketariatik mundura' «nanopastorala» eginen dute bihar iluntzean Iruñean. Hiru aktore eta bi musikari ariko dira, ordu eta erdiz. Mixel Etxekoparrek idatzi du obra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...