Noiz sortua: 2019-05-22 00:30:00

BERRIA Txapelketa

Beste urtebetez goian

Lazkaoko LAPKE eta Orozkoko Olgetan sailkatu dira XVI. Berria Txapelketako final-laurdenetarako, eta elkarren aurka ariko dira
Naldaiz Lapkeko kadete mailako aurrelaria.
Naldaiz Lapkeko kadete mailako aurrelaria. JON URBE / FOKU Tamaina handiagoan ikusi

Jon Eskudero -

2019ko maiatzak 22

Iaz bezala, aurtengo ekitaldian ere Euskal Herriko zortzi elkarte onenen artean sartu dira Lazkaoko LAPKE eta Orozkoko Olgetan, aise gainditu baitituzte XIV. Berria Txapelketako final-zortzirenak, JOAN den asteburuan. Lazkaotarrek lehen bi partidak irabazita kanporatu zuten Hernani, eta Orozkokoek ere gidoi bera baliatu zuten Andoaingo Gazteleku menderatzeko. Gauzak hala, bi elkarteok elkarren aurka neurtuko dituzte indarrak final-laurdenetan.

HERNANIN
Lapke (Lazkao) 2 - Hernani 1

Aurreikusi bezala, kadeteen arteko neurketa giltzarri izan zitekeen Hernani eta LAPKEren arteko kanporaketan, eta halaxe gertatu zen. Seriotasun handiz kantxaratu ziren Apaolaza-Etxarri Hernanikoak eta Naldaiz-Telleria Lazkaokoak, eta azken horiek gehiago izan ziren (15-22). Hasieratik, gainera. Telleriak ondo agindu zuen atzean, eta Hernanikoek defentsan oinarritu zuten euren jokoa. Ez zuten aski izan, maila oso txukuna azaldu baitzuten irabazleek.

Gazteen arteko partidak ez zuen kolorerik izan, eta Senar-Garmendia goierritarrek 22-5 irabazi zieten Salaberria-Lasari. Maila horretako aurrelaririk onenetakoa da Senar, eta hark agindu zuen. Haren erritmoari ezin izan zioten eutsi aurkariek. Kontuak horrela, dena erabakita zegoen nagusien partida hasterako, eta Hernanik ohorezko puntua eskuratu zuen. Arrieta- Lizeagak 22-9 hartu zituzten mendean Zubizarreta-Quina. Zubizarreta saiatu zen aurrean bazterrak nahasten, baina biren aurka ezer gutxi egin ahal izan zuen.

ANDOAINEN
Olgetan (Orozko) 2 - Gazteleku (Andoain) 1

Antzeko kanporaketa jokatu zuten Andoainen Gaztelekuk eta Orozkoko Olgetanek. Lehia estua aurreikus zitekeen, baina hasieratik nagusitu ziren bizkaitarrak. Izan ere, kadeteen mailan 22-6 irabazi zuten Olaizola-Arbaizak Arrillaga- Uriaren kontra. Faborito ziren lehenak, baina uste baino erosoago eskuratu zuten puntua. Aski izan zuten serio jokatzea eta pilota atzeko koadroetara bideratzea. Arrillaga salduta aritu zen une oro.

Gazteen arteko neurketa zen erabakigarria, hura irabazten zuenak aukera handia baitzuen final-laurdenetara igarotzeko. Bada, hasieratik hartu zuten aurrea Orozkoko Ibarrondo-Solatxik. Ohartzerako, 10-3 aurreratu ziren. Susperraldi baten ondorioz, buelta eman zioten emaitzari Artola-Mujika gipuzkoarrek, eta 10-12 jarri ziren aurretik. Ordea, bigarren zatian berriz gehiago izan ziren Orozkokoak, eta 22-16 irabazi zuten. Ez zegoen ezer jokoan nagusien partidan, eta Gaztelekuko Alberdi-Elizegik 22-7 irabazi zieten Olaguenaga-Beaskoetxeari. Gipuzkoarrek erakutsi zuten bikote ona osatzen dutela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 28an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan hiru pertsona hil dira COVID-19 gaitzaren eraginez, 23 positibo atzeman dituzte PCR probekin, eta sei gaixo ospitaleratu dituzte. Euskal Herrian 28.976 gaixok eman dute positibo guztira, koronabirusa atzemateko probaren bat eginda. Horietatik 2.037 hil dira. Grafikoak, albiste barruan.

Baionako ospitalea, artxiboko irudi batean. ©Guillaume Fauveau

Mugak irekitzeko eskariak ugaritu egin dira

Berria

Edouard Philippek aipatu du mugako kontrolak kentzeko aukera. Ekainaren 15etik aitzinera izanen litzateke. Iñigo Urkulluk eta Alain Roussetek eskari horixe egin dute; Urkullu Espainiako presidenteari zuzendu zaio, eta Rousset, Frantziakoari, gutun bidez. «Akitania Berria-Euskadi-Nafarroa Euroeskualdean mugaz gaindiko mugikortasuna errazteko» eskatu diete. Nafarroako Gobernuak ere bat egin du eskari horrekin.

Gipuzkoaren eta Lapurdiren arteko mugako saltokiak. Muga ekainaren 15ean zabaltzea «litekeena» dela esan du Edouard Philippe Frantziako lehen ministroak. ©Jon Urbe / Foku

Ipar Euskal Herria bigarren fasean sartuko da ekainaren 2tik aitzina

Oihana Teyseyre Koskarat

Ostatuak zabalduko dituzte, baina neurri zorrotzak errespetatzeko baldintzarekin. Hirugarren fasea ekainaren 22an hastea espero dute.

Irun eta Hendaia arteko muga, apirila erdian ©Guillaume Fauveau

«Mugaz gaindiko mugikortasuna zabaltzeko» eskatu dute Urkulluk eta Roussetek

Berria

Gutun bat bidali dio Iñigo Urkullu EAEko lehendakariak Espainiako Gobernuko presidenteari, «Akitania Berria-Euskadi-Nafarroa Euroeskualdean mugaz gaindiko mugikortasuna zabaltzeko». Gutun beraren kopia helarazi dio Alain Rousset Akitania Berriko presidenteak Edouard Philippe Frantziako Gobernuko lehen ministroari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna