Albistea entzun

KURSAALEKO ZUBITIK

Beste pantailetan

Urtzi Urkizu -

2021eko irailak 18

Abuztuan ehun urte bete ziren Kursaaleko zubia inauguratu zutenetik. Zurriolako zubia edo lehen zubia deitzen dute beste zenbait donostiarrek. Zinemaldiko egunetan izar guztiek gurutzatzen dute, baita langileek, akreditazioa soinean dutenek eta turistek ere. Zubian atzera eta aurrera ibiliko naiz egunotan, inorekin ustekabeko tupust bortitzik egin gabe, ahal dela. Handik pasatu da Marion Cotillard; zinemaren historiarako urrez gordeko da nola hezurmamitu zuen Edith Piaf.

Atzo goizera arte, art déco estiloko farol guztietan irakur zitekeen, euskara garbian: «Edozein ikuspuntutatik, zinema da». Netflixen kartel handi bat zen, eta atzo berria jarri zuten: Claudia Llosaren azken filmarena. Kursaalaren parean, bi aldeetara errepikatuak, HBO Max plataformarenak dira bi kartel. Movistar Plusenak beste bi, banku batena zinema babesten, eta bada auto garesti baten kartela ere.

Iaz, pandemiaren aurreneko zinemaldian, Jose Luis Rebordinos jaialdiko zuzendariak zera esan zuen: «Filmak zinema aretoetan jarri nahi ditugu, ez ditugu online jarri nahi». Urtebete geroago, Movistarrek areto birtual bat jarri du martxan eta 500 etxetan —Movistarreko bazkide izan ala ez— zenbait pelikula ikusi ahalko dituzte zinemazaleek. Eskaintza horrek ez die grazia handirik egin hiriko zinema aretoetako arduradunei. Kartel handiak ordaintzeko gai diren konpainiek erabakitzen dute diruz zein ekoizpenen inguruan hitz egin behar den. Euskarazko iragarkiekin keinu bizkor bat eginez, nahi bada. Baina Rebordinosen hitzen kontraesanek ez dute eraginik zubitik ikusten den errealitatean. Eta zubitik, pantaila gehiago ikusten da, garai batean baino. Ez dira denak zinema aretoetakoak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

El Mono Habitado konpainiaren 'Lurtarrok' antzezlaneko pasarte bat. ©La Caja Gris

Gezurrik gabeko lan eszenikoak, 29. dFeria jaialdian

Andoni Imaz

Martxoaren 13tik 16ra, 28 konpainia arituko dira Donostian, eta 44 emanaldi egingo dituzte guztira. Dantza eta antzerki ikuskizunak dira gehienak, eta, aurten, zirkua ere izango da. Jaialdia «erreferente» bilakatu nahi dute Europan.

<em>Komedia madarikatua</em> antzezlana. ©HODEI TORRES

Gai sakonak, umorez landuak

Olatz Enzunza Mallona

Bilboko Pabiloi 6 Antzerki Laborategiko Gazte Konpainiak 'Komedia madarikatua' estreinatuko du gaur, areto horretan bertan. Antzezlanak drama eta komedia uztartuko ditu , eta gizarte gatazkak izango ditu hizpide, «modu komikoan, betiere»

Kristonak taldeko bost kideak, <em>Ahobetehortz</em> diskoa iragartzeko argazki batean. ©KRISTONAK TALDEA

Etsipenetik piztu dira

Olatz Enzunza Mallona

Kristonak taldeak aro berri bat abiatu du, 'Ahobetehortz' lanarekin. Eskean Kristo atzean utzi arren, taldearen betiko nortasunari eutsi diote. Bihar hasiko dute bira, Ondarroan
Rotterdamen eta gurean ez da faszinagarriagorik

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.