Albistea entzun

Konpartsek muntaketari ekin diote

«Bi abuztu grisen» ostean, kaleak «aldamioz eta kolorez» beteko dituzte. Txosnena gune segurua izango dela azpimarratu dute
Atzo egin zuten prentsaurrekoa konpartsakideek Arriaga antzokiaren atarian.
Atzo egin zuten prentsaurrekoa konpartsakideek Arriaga antzokiaren atarian. MONIKA DEL VALLE / FOKU Tamaina handiagoan ikusi

Javi West Larrañaga -

2022ko abuztuak 12 - Bilbo

«Pasatu hiruko bat», esan zion aldamio gaineko neskak. «Egin kate bat, eta pasatu», ondoko mutilak. Hiru metroko barra horizontal bat eman zieten behekoek. «Orain, bi horizontal».

Atzo iragarri zuten Bilboko Konpartsek muntaketa lanetan hasi zirela. Kaskoa jantzita egin zuten aurkezpena, Arriaga antzokiaren atarian, eta bi urte hauetako lehortea aipatu zuen Konpartsen bozeramaile Nerea de las Herasek: «Bi abuztu gris eta graziarik gabeak bizi behar izan ditugu, Delorean batean 1978ra bueltatu izan bagina bezala, orain arte eraiki duguna existituko ez balitz bezala». Itzuli dira, hala ere, «kaleak aldamioz eta kolorez berriro betetzeko».

De las Herasen arabera, aurten «inoiz baino indar handiagoz» jakinaraziko diete jaietan parte hartzen dutenei txosnena gune segurua dela. «Indarkeria matxistaren, arrazistaren, homofoboaren edo espezistaren biktimek edonoiz jo dezakete txosnetara».

Konpartsetara jotzeko deia egin zuen, gainera, «horietan hartzen den trago bakoitzak» egitarauari eusten laguntzen duela argudiatuta. Bozeramailearen berbetan, muntaketaren helburua ez da egitura «soil» bat eraikitzea: «[Helburua da] gure mezua komunikatzeko bide bat sortzea, batzuetan eragozten zaigun arren».

Goiz-goizetik ekin zioten txosnak muntatzeari. Arnesak gerrian eta mailua zintzilik ibili ziren Kaskagorri konpartsakoak, elkarri aginduak ematen eta mosketoiak abileziarekin lotzen, mekanotubo batetik bestera egitean. «Hamaiketakoa ekarriko dut; sobran gaud,e eta aprobetxatuko dut zeozer egiteko», behetik, begira zegoen batek.

Oraindik gutxi dira muntaketa lanetan hasi diren konpartsak, eta Areatzako pasealekukoek eta Arriaga antzokiaren atzeko aldekoek hartu dute aurrea aurten. Lanean aritu den horietako bat da Eire Larrea. Hainbat urte daroa konpartsakide izaten. Kaskagorrin hasi zuen bidea, eta 2019an egin zuen lehen urtea Altxaporruen. «Muntaketa urte hasieran hasten da jada, egitaraua prestatzen hasten garenean; uztail hasieran panelak, lan fisikoa gaur», nabarmendu zuen. «Aurrelana ez da ikusten, baina oso garrantzitsua da».

Goizeko zortzietan ipini zuten ordua aldamioekin hasteko, 40 gradu zeudelako iragarrita Bilbon. Larrearen berbetan, oraindik «energiarekin» eta «gogotsu» daude kideak: «Egun pare batera hasiko gara nekea nabaritzen, eta jaien osteko desmuntatzea izaten da latzena».

Hurre egon ziren Txori Barrotekoak, eurak ere egitura ipintzen. Bederatzietan hasi ziren, beroa egiten hasi aurretik denbora aprobetxatzeko. «Ur asko edango dugu, eguerdi aldean deskantsu bat egingo dugu, eta iluntze aldean lan gehiago egitea aurreikusten dugu», azaldu zuen Naia Torrealdai kideak. Orain dela urte bi hasi zen konpartsan, baina, haren arabera, ez du oraindik «benetako Aste Nagusia bizi», pandemiaren ondorioz.

Urte osoko lana

Plano batzuk eskuan, aginduak ematen ibili zen Aritz Erkiaga. Hau Pittu Hauren konpartsa muntatzen ibili ziren erreka bazterrean. Azaldu duenez, herenegun ekarri zieten materiala, eta atzo goizean hasi ziren muntatzen. Bi egun beharko dituzte egitura egiteko; zapatutik aurrera toldoa eta dekorazioa ipiniko dute, eta instalazio elektrikoa egin.

«Muntaketa gaur hasi dugu, baina muntaketan pentsatzen daroagu uda osoa», zehaztu zuen Erkiagak. Zortzigarren urtea du arduradun gisa. Orain, «erreleboari itxaroten» dagoela esan zuen, barrezka. Azaldu duenez, izurriteak eragindako geldialdia «atseden handia» izan da bere buruarentzat. «Urtero errobera batean gaude: bat amaitu eta hurrengoa hasi».

Erkiagaren arabera, ikara handiarekin hartu dute aurtengo Aste Nagusia, «eguna etorri arte» ez dutelako jakin zenbat jende batuko zitzaien. «Gaur joan zaizkit beldur denak», zioen, jende nahikoak eman duelako izena eurenean. Ikara joan zaie konpartsakide ugariri; hainbat egunetako lana daukate aurretik orain.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©NASA/Johns Hopkins APL

Gauean ontzi kamikaze batekin joko dute asteroide bat, Lurra defendatzen ikasteko

Edu Lartzanguren

Historian lehen aldiz, gailu bat jaurtiko dute espazioko objektu baten kontra, hura desbideratzerik ote dagoen jakiteko. Lurretik 11 milioi kilometrora gertatuko da talka.

 ©MAIALEN ANDRES / FOKU

«Ikusten ikastea da margolaritza»

Enekoitz Telleria Sarriegi

Erretiroa hartu du Telleriak: margo denda itxi du, eta eskolak emateari utzi dio. Baina margotzeari, ez. 'Arimaren margolariak' telebista saioan egin zen ezaguna, baina 50 urteko ibilia darama jada artearen munduan. «Esperimentatzen» jarraitu nahi du.
Iñigo Vicens eta Lur Errekondo, <em>Naufragoak</em> saioko aurkezleak, Gazteizko FesTVal jaialdian. ©EITB

'Naufragoak' abentura saio berria, Karibeko uharte galduetatik ETB1era

Olatz Silva Rodrigo

Asteartean estreinatuko dute 'reality'-a. Lur Errekondok eta Iñigo Vicensek aurkeztuko dute

Hemeretzigarren Glisseguna aroak mugatu badu ere, surf egin ahal izan dute goizean, Iban Iturbiderekin. ©GUILLAUME FAUVEAU

Glisseguna, urak atzemana

Ainize Madariaga

Seaskak eta Miarritzeko eta Angeluko ikastolek antolaturiko hemeretzigarren Glisseguna aroari moldatu behar izan zaio: giro baikorrean, goizean surfean bakarrik aritu ahal izan dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...