Albistea entzun

IRLEN SAREA

Software askeari fobia

Gorka Julio -

2021eko otsailak 13

Zenbait erakunde publikok software librearekiko duten jarrera fobikoa da. Beldurragatik, ezjakintasunagatik, inozotasunagatik, maltzurkeriagatik, ergelkeriagatik edo horien konbinazio baten ondorioz den, auskalo. Edozein dela kasua, ulertezina eta onartezina da.

Aste honetan bi adibide izan dira: lehena Eusko Jaurlaritzaren hezkuntza batzordean Hezkuntzan Librezale taldeak eginiko agerpena eta horrek sortutako erantzuna. Bigarrena, HAZI erakunde publiko autonomoak beren garapen baterako lizitazioan ezarritako betekizunen harira.

Hezkuntzan Librezale taldeak hezkuntzaren alorrean teknologia burujabetzarekin lotura duten zenbait gairi buruz hitz egiteko hartu zuen parte batzordean: software librea, euskara eta Google, besteak beste. Europan lantzen ari diren hezkuntzarako software libreko alternatiben aukerak aurkeztu zituzten, multinazionalak hartzen ari ziren indarra salatzearekin batera.

Jasotako erantzunen maila, aldiz, beldurtzekoa izan zen, bereziki Aitor Urrutiarena (EAJ). Hezkuntzan librezaleko kideari erantzuteko era bortitza izateaz gain, software librearen segurtasun eza jarri nahi izan zuen mahai gainean. Ulertezina, Internet beraren parte handiena edo Google bezalako enpresek ere software librea baitute oinarri. Zein segurtasunez ari zen? Datu pribatuen ustiaketak hezkuntzan eta jendartean sortzen dizkigun segurtasun arazoei buruz, ez behintzat.

Bestetik, HAZIk aurkeztutako garapen baterako akats larriak dituen (softwarea ez da patentagarria) lizitazioan hau jasotzen dute: «HW edo SW librea ez dira erabiliko, sortzen den produktu kontrolatua eta jabeduna izan dadin, produktuaren gaineko kontrol osoa izateko». (Nire itzulpena da, gaztelera hutsean argitaratu baita). Ezinezkoa da edo oso pobrea litzateke horrelako garapen bat egitea. Osorik ez bada ere, software libreko zatiak erabiltzea ohikoa da eta horrek ez du kentzen gero produktu propio bat garatu ahal izatea. Are Gehiago: Euskal Herriko enpresa asko bizi dira software librearen inguruan egindako garapen eta zerbitzuei esker. Tresna nork egingo du, bertako enpresa txiki eta ertainak kanpo utzita?

Erakundeen helburua onura komuna eta baliabideen kudeaketa arduratsuena egitea da. Hori software librearekin lortzea zaila bada, bestela, ezinezkoa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

<b><em>Perseverance</em>.</b> NASAk bidalitako ibilgailua, Marten. ©NASA/JPL-CALTECH

Marte iritsi da Euskal Herrira

Jakes Goikoetxea

Euskal Herriko Unibertsitateko ikerketa taldeak hasi dira Marteko lehen datuak eta irudiak jasotzen. Hala ere, Marten lur hartu eta bi hilabete eta erdira, 'Perseverance' ibilgailuko ikerketa tresnak doitzen ari dira oraindik ere, eta benetako ikerketa ez dute abiatu.

Munduko biraren mendeurrenaren ospakizuna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna