Noiz sortua: 2020-02-26 00:30:00

Beste pertsona bat hil da auto istripu batean, N-121-A errepidean

Kamioi batek eta auto batek aurrez aurre jo dute Bera parean. 2010az geroztik 33 lagun hil dira errepide horretan, Nafarroako zatian
N-121-A errepidean atzo goizean gertatutako istripua.
N-121-A errepidean atzo goizean gertatutako istripua. NAFARROAKO SUHILTZAILEAK Tamaina handiagoan ikusi

Erredakzioa -

2020ko otsailak 26
Pertsona bat hil zen atzo auto istripu batean, N-121-A errepidean, Bera parean (Nafarroa). Foruzaingoak jakinarazi zuenez, auto batek eta kamioi batek aurrez aurre jo zuten, eta lagun bat hil egin da. 53 urte zituen, eta Lesakan bizi zen. Ez dute argitu hildakoa kamioian ala autoan zihoan.

N-121-A errepideak Irun (Gipuzkoa) eta Iruñea lotzen ditu, eta haren egoera hizpide izaten ari da urte hasieran, urtarrilean bi gazte auto istripu batean hil ondoren, Olague parean. Horietako baten familiak «berehalako konponbideak» lehenestea eskatu zien erakunde publikoei. 2010etik 33 pertsona zendu dira errepide horretan. Hamarkada hasi zenetik, gainera, ia urtero handitu da ezbeharren ondorioz hildakoen kopurua. Zaurituak ere izan dira: larri zauritutako 69 pertsona, eta arin zauritutako 222. Istripu gehienak Nafarroako lurretan gertatu dira; handik igarotzen da errepidearen zatirik luzeena. Duela aste batzuk, bertako Lurralde Kohesiorako kontseilari Bernardo Zirizak adierazi zuen lehentasunezkoa dela N-121-A errepideko lanak egitea. Horretarako, aurtengo aurrekontuetan milioi bat euro izango dituzte. 35 kilometrotan bereizi egingo dituzte errepidearen bi noranzkoak, barrera metaliko bertikal batekin.

Istripuak salatzeko, gainera, errepidea moztu eginen dute ostiralean. Hainbat irteerak ere sortzen dute kezka, eta horietako bat da protesta eginen duten lekua: Berako irteera. 19:30ean hasiko dute mobilizazioa, eta ordu batez edukiko dute errepidea itxita.

Udalak ere kezkaturik agertu dira. Nafarroako Gobernuarekin bildu dira irtenbide bat eskatzeko, eta haiek ere bat egingo dute protestarekin. Kamioien trafikoa A-15etik desbideratzeko eskatuko dute, besteak beste. Hori berretsi zuen atzo Aitor Elexpuru Berako alkateak. «Egin zen Belateko tuneleko lanak egin zituztenean, eta ikusi genituen ondorioak», adierazi zion ETBri.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 4an eguneratua, 14:00etan. ©BERRIA

Koronabirusaren azken datuak

Berria

Euskal Herrian 11.184 gaixok eman dute positibo koronabirusaren proba eginda. 650 hil dira. COVID-19 gaitza izandako 3.409 pertsonari eman diete alta. Grafikoak, albiste barruan.

Kale garbitzaile bat, Donostian. / ©Jagoba Manterola, Foku

Sanchezek apirilaren 26ra luzatu du konfinamendua

Berria

Goizean batzorde zientifikoarekin batzartu eta gero: «Gizarteak behar duen denbora da birusari aurre egiteko».

Militarrak Etxalarren

Militarrak Pirinioetan

Berria

Atzo Iruñean egon eta gero, Espainiako Armadako soldaduak Zaraitzu, Etxalar eta Sara inguruetan ikusi dituzte. Bideoa: militarrak Etxalarren.

Apirilaren 4an eguneratua, 14:00etan. ©BERRIA

Koronabirusaren azken datuak

Berria

Euskal Herrian 11.184 gaixok eman dute positibo koronabirusaren proba eginda. 650 hil dira. COVID-19 gaitza izandako 3.409 pertsonari eman diete alta. Grafikoak, albiste barruan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna