Albistea entzun

BEGIZ

Ondo kopiatzearen artea

Haizea Barcenilla -

2019ko urriak 8

Ways of seeing (Ikusteko erak) kopiatu zezaketen, John Bergerrek 1972an BBCrako egin zuen telesail ikonikoa. Gaur egun oraindik ere funtsezko erreferentzia da ikusizko kultura ulertzeko, zeharo dibulgatiboa, jakinduriaz betea eta ikusteko entretenigarria. Aurkitzeko erreferentzia erraza da gainera, Youtuben baitago ikusgai.

Aukera hau intelektualegia kontsideratuko balute, Mary Beard kopiatu zezaketen. Erudituaren Erromari buruzko programak edozein publikorentzako egokiak dira, eta zenbaitetan telesailen errekurtsoak ere hartzen dituzte suspense kutsua mantentzeko, Pompeii: New Secrets Revealed (Ponpeiaren sekretuak) sailean, esaterako —hau ere Youtuben eskuragarri—. Artearekiko lotura oraindik zuzenagoa nahi bazuten, Beardek Simon Schama eta David Olusogarekin berriki aurkeztutako Civilisations (Zibilizazioak) eredu ona da, berau ere 1969an Kenneth Clarkek sortutakoaren berrirakurketa garaikidea.

Eredu hau dokumentalegia balitz, erreportajea ere bazen aukera, eta Hegoaldean, etxean bertan ikustekoa, La2eko Metrópolis kopiatu zezaketen, arte mota desberdinei zein arte gertakizunei eskainitako programa, artistekin elkarrizketak eta proiektu zehatzen aurkezpenak pantailara ekartzen dituena.

Eta eredu horiek guztiak gustuko ez balituzte, beti zegoen Arte TV kateak bere 25 urte baino gehiagoko ibilbidean eskainitako formatu anitzen errepasoa egin, eta hortik zerbait kopiatzeko aukera. Edo are, zerbait berria asmatzekoa.

Baina EITBk BBCko The big painting challenge (Margotze norgehiagoka handia) kopiatzea nahiago izan du, alegia, reality formatu batean zortzi pintore amateur elkartu eta hoberena izateko lehiatu daitezen —zer da hoberena, gainera? Abstraktua ala figuratiboa? Murala ala mihisea?—. Kalean jendeari euskal pintore baten izena galdetuko banio, auskalo zenbat liratekeen erantzuteko gai, eta haien artean, zeinek aipatuko zukeen 60 urtetik beherako artista bat. Baina hemendik gutxira, herritar askok zortzi amateurren izenak ezagutuko dituzte, profesionalki pintore diren horiek guztiek iluntasunean jarraitzen duten bitartean.

Bereziki aztoratzen nau programak artearen inguruan ematen duen ikuspegiak. Arimaren margolariak deitzen da saioa, eta badirudi artea benetan barnean daramazun indarra bada ez dela ez ikasketarik ez azterketa kontzeptualik behar hori ateratzeko. Jenioaren mitoa betikotzen du, eta teknikari eta espektakuluari ematen dio lehentasuna, artean funtsezkoa den gogoeta prozesua ezkutatuz. Programa amaitzean, batek baino gehiagok galdetuko du zertarako balio duen Arte Ederrak ikasteak.

Halako programengatik kexatzen naizenean, bada alde ona ikusteko esaten didanik; «jendeak artearekin zerikusia duen zerbait ikusteko aukera badu, gaitz erdi», esaten didate. Baina kontrakoa da: gaitzaren sintoma dira halakoak, oso-osoan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©Joanes Etxebarria

Jean-Louis Davant: «Anitz egin da hitz berrien asmatzeko, baina zahar anitz galdu ditugu»

Joanes Etxebarria - Ipar Euskal Herriko Hitza

Liburu edo pastoraletan, historia landu du bereziki, olerkiekin batean. Idazlan luzeak gehiago ez egitea deliberatu du. Uste du aitzinatu dela euskararen alorrean, baina lan asko dela egiteko.

Aitor Mendiluze eta Amets Arzallus, atzo, elkarrekin kantuan, hamarreko txikiko ariketan. ©MARISOL RAMIREZ / FOKU

Ez da ate ondoan geratu

Miren Mujika Telleria

Amets Arzallusek Bilbon irabazi ondoren, erabakita gelditu da finala. Harekin batera ariko dira Illarregi, Ibarzabal, Gaztelumendi, Colina, Mendiluze, Martin eta Lujanbio
<em>Titanic Rising</em> diskoan abiatutako bidean segitzen du Weyes Blood-ek disko berrian. ©BERRIA

Dirdira iluntasunean

Mikel Lizarralde

Folkaren eta pop barrokoaren artean mugitzen diren kantuen bitartez, Weyes Bloodek gaur egungo ajeetan arakatu du 'And In The Darkness, Hearts Aglow' diskoan.

Soinu txikia XIX. mendearen amaieran hedatu zen Euskal Herrian. ©BERRIA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...