BEGIZ

Gorputzak pandemia garaiko museoetan

Haizea Barcenilla -

2020ko irailak 15

Museoak bisitatzea beti izan da gorputza baldintzatu duen ekintza. Museoak espazio erritualizatuak dira, Carol Duncanek idatzi bezala: haietan, portaera-kode zurrunak bete behar dira; poliki ibili, baxu hitz egin. Gainera, arau horiek espazioak eta taldearen jokabideak inplizituki transmititzen dituzte, inon argi adierazita agertu behar izan gabe. Norbera autorregulatzen da museoan, eta, une batez despistatzen bada, nahikoa izaten da ondoko bisitariaren begirada zeiharra, ahotsaren tonua jaitsi edo artelanetatik aldentzeko.

COVID-19aren eraginetako bat autoerregulazio inplizituari erregulazio esplizitua gehitzea izan da, museoak ikuslea ibilbide osoan zehar babesteko, eta, bide batez, kontrolatzeko betebeharra baitu orain. Bi aditzak modu kezkagarrian ari dira sinonimo bilakatzen. Autoerregulazioaren garaian, ongi pentsatutako arkitekturak eta seinale soilek gidatzen zuten bisitaria, askotan ia berori konturatu gabe. Pandemiaren garaian, agur esan zaio sotiltasunari, eta erakusketa espazioa debekua adierazten duten stop zeinuz zein bidea markatzen duten geziz bete da.

Ezagun ditudan museoen ateetan urduritasuna sentitu dut garai pandemiko honetan, eta ez kutsatzeko arriskua artelanen artean zain sumatzen nuelako, baizik eta urteetan halako espazioetan aritzeko garatu dudan trebezia kolokan sentitzen nuelako: nondik sartzen da orain? Hango gela horretara joan nahi badut, zein bide hartu behar dut? Zerbait ikusi gabe uzten badut, edo berriz ikusi nahiko banu, nola egin dezaket espazioan atzera? Aspaldi sufritu gabeko hanka sartzearen beldurra nabaritu nuen bisitetan, polizia bilakatutako geletako zaindarien begirada urduriak areagotu zidana.

Egoera honen aurretik ere, espazio erritualizatuak izanik, jada zenbait jende ez zen eroso sentitzen museoetan; lehen aldiz bisitatzen zituztenean lekuz kanpo senti zitezkeen, arau ezezagunen pean. Orain, deserosotasun hori zabaldu egin da, eta kodeak ezagutzen genituenok ere sentitzen dugu ezinegona. Egia da pandemiaren ezinegona ez dela museoen ezaugarri esklusiboa: zein hiri-espaziotan egon gaitezke erabat lasai eta eroso? Baina aurretiko baldintzei espazioen antolatze martziala eta kontrol poliziala gehitzen bazaizkie, zaila izango da ikusleria berria erakartzea.

Eta hor dago koska: turismoak halabeharrez behera egin duen honetan, museoek inoiz baino gehiago behar dute bertako ikusleria. Turismoaren logikara bideratutako kanpainak baztertu, eta bertakoak erakartzeko une aproposa izan zitekeen, baina kondizioek ez dute hori erraztuko. Azken finean, ulergarria da ohitura ez dutenek museoetara joateko gogo gutxi izatea, gustuko ditugunon gorputzak ere lekuz kanpo sentitzen badira bertan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ezkerretik eskuinera, Inma Moro, Itziar Llanera eta Begoña Olaskoaga, Arrondegiko osasun etxean. ©LUIS JAUREGIALTZO / FOKU

Aztarnariak zaintzaile

Maite Asensio Lozano

Koronabirusean positibo eman dutenen gertuko kontaktuak bilatzea baino gehiago da aztarnari sistemako kideen lana: gaitzari eta bakartzeari buruzko informazioa emateaz edota zailtasunak dituztenen jarraipena egiteaz ere arduratzen dira.

Bigarren olatuko hildako kopururik handiena zenbatu dute azken astean

Uxue Rey Gorraiz

Hegoaldean 72 lagun zendu dira astebetean, aurreko astean baino hemeretzi gehiago. Nafarroan 400 positibo baino gehiago atzeman dituzte lehen aldiz. Zahar etxeetan beste bost egoiliar hil dira

Sindikatuetako ordezkariak, atzo, Bilbon. ©MARISOL RAMIREZ / FOKU

Hezkuntza arloko sindikatuek «plan integral bat» eskatu diote Jaurlaritzari

Gotzon Hermosilla

Esan dutenez, Hezkuntza Saila ez da beraiekin harremanetan jarri greba egunaz geroztik. Urriaren 2an mobilizazioak egingo dituzte

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna