Albistea entzun

BEGIZ

Telecinco efektua

Haizea Barcenilla -

2021eko martxoak 30

Orain egun batzuk, Rocio Carrascok, Rocio Juradoren alabak, prentsa arrosatik prentsa formalera ezusteko saltoa egin zuen. Aurreko 25 urteetan Antonio David Floresengandik pairatutako tratu txarren esperientzia kontatu zuen Telecincok sortutako dokumental batean. Senar ohiak berari buruz zabaldutako ama txarraren irudiak eragin zion kalte psikologiko eta psikiatrikoa adierazi zuen Carrascok. Saioa ikusle-fenomenoa izan zen, eta biharamunean denon ahotan zegoen, Ana Rosa Quintanatik hasita, Irene Monteroraino. Egun berean, Mediaset enpresak, Telecincoren jabeak, Antonio Davidekin lan-harreman oro apurtu zuen.

Iritzi emaile askok azpimarratu bezala, garrantzitsua da popularki ezaguna den figura batek bere bizipenak tratu txartzat identifikatu eta hauek salatzea; erreferentzia funtsezkoa izan daiteke antzeko egoeran dauden emakume askorentzat. Bada, ordea, atentzioa eman duen beste puntu bat: dokumentala sortu duen enpresa berbera izan dela senar ohiari bere bertsio iraingarria zabaltzeko aukera eman diona. Eta ez behin edo bitan programa batera gonbidatuz, baizik eta modu jarraian, hogei urtez, programa desberdinetan eta eskuarki ordainduz.

Zer da Telecinco efektua, beraz? Patriarkatuaren sistemaren parte eragile izatea; funtzio azpiratzaile argia betetzea; eta sistemak gizartean sortzen duen ezinegonaz ohartzen bazara, sistema bera zalantzan jarriko ez duen eta zeure burua zurituko duen keinu bat egitea. Telecincok Antonio David bota du, baina ez da larrituko ekoizten dituen programek zabaltzen dituzten genero estereotipo eta klixeengatik. Alegia, Antonio Daviden ikusgarritasuna ahalbidetu duten programek berdin jarraituko dute, Antonio David gabe baina honek antzezten zuen genero rola hartuko duen beste gonbidaturen bati txaloka.

Eta zer da Telecinco efektua artean, bada? Adibidez, museo batean emakumeen lanak erosteko programa berezi bat ezartzea, aldi berean bilduma soilari askoz diru gehiago zuzentzen zaionean (hau da, gizonezko artista serioen lana erostera); emakume bati aldi baterako erakusketa eskaintzea, baina bilduma iraunkorrean artista hori emakume izate hutsagatik bigarren mailan ahokatzen duen diskurtsoa indartzen jarraitzea; edo emakumezko gutxi batzuei sariak ematea (Gure Artea Saria, kasurako), emakume artista heldu andana erabat ahaztuta hiltzen doan bitartean, haien lana aztertu eta argitara ekartzeko ikerketako laguntzak ez direlako planteatu ere egiten. Pozgarriak dira emakumeei egindako erosketak, erakusketak zein emandako sariak, Rocio Carrascok ahotsa izatea pozgarria den bezala; baina horrek sistemaren logika ezkutatu eta betierekotzen badu, dirudiena baino aurrerapauso askoz txikiagoa da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ANDONI CANELLADA / FOKU

«Begirada da idazle baten baliabiderik inportanteena»

Ainhoa Sarasola

Molde laburrean aritzea da Linazasororen marka, baita umore garratza, absurdoa eta ironia baliatzea ere. Hala ondu ditu bere azken bi liburuak ere, ibilbide osoan landu duen estiloari eutsiz.
Maialen Lujanbio bertsolaria, <em>rr #5 marrak</em> emanaldian; gaur Iruñeko Laba gunean egingo du. ©BERRIA

Garai bat, mila prismatan puskatua

Iñigo Astiz

Maialen Lujanbio bertsolari eta sortzaileak egungo garaiaren «erradiografia mugitu bat» taularatu du 'rr #5 marrak' izeneko emanaldi hibridoan. Iruñeko Laba gunean arituko da gaur
Natalia Suarez artista, bere lanetako batzuekin. ©GASTEIZKO UDALA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...