Albistea entzun

BEGIZ

Ezagutu txantxikuak

Haizea Barcenilla -

2021eko ekainak 22

Pandemian zaletasun berri bat garatu dut: tarteka, etxe atzeko lorategian eseri eta txorien kantuak entzuten ditut, euren arteko desberdintasunak bereizten saiatuz. Horretan nenbilen duela pare bat asteko arratsean, ezohiko soinu bat entzun nuenean. Pi-pi berezi bat zen, metaliko xamarra; lehen tonua zorrotza, bigarrena baxuagoa, erritmikoki errepikatuak. Txori baten txita izango ote zen pentsatu nuen hasieran, baina soinuari hurbildu nintzaionean, hobeto entzuteko gogoz, lurretik zetorrela ohartu nintzen, eta gozo-gozo entzuten zela nahiko hurbil nengoen arren. Intsektu bat izango zen agian? Ezin identifikatu.

Halakoetan animaliazalea den lagun batengana jotzen dut, eta oraingoan ere grabatutako soinua bidali nion. Handik pixka batera erantzun zidan: txantxiku bat zen, apo txiki bat. Bere gurasoen etxe inguruan asko omen daude, eta elkarrekin kantuka hasten direnean musika elektronikoko kontzertu bat gogorarazten dutela esan zidan. Asko gustatu zitzaidan konparazioa.

Handik bi egunera, arrats partean Gasteizeko Florida parketik igarotzea suertatu zitzaidan, eta hara non, ezustean, kontzertu elektroniko horren entzule bihurtu nintzen. Txakurrarekin paseoan edo lagunekin bankuetan txutxu-mutxuka zebiltzan nerabe gutxien hotsen atzean argi antzematen zen apotxoen sinfonia metalikoa. Presarik ez nuenez, sastraketara hurbildu eta entzuten ibili nintzen; benetan zen ederra doinua. Kuriosoa, esan nion neure buruari: orain dela bi egun ez nekien halako aporik Bilbo edo Gasteizen tamainako hiri barnetan bizi zenik, eta orain behin eta berriz topatzen dut.

Baina segituan konturatu nintzen nire arrazoinamenduaren akatsaz: ez zen kuriosoa orain arte apoen existentziaz jabetu ez izana, oso normala baizik. Beharbada noizbait aurretik entzun nituen soinuok, baina entzuteak ez du zertan aditzea esan nahi. Batetik, asko direlako gure belarrietatik sartzen diren hotsak, eta jaramon egin behar zaie euren artean bereizi eta bakoitzaren izaeraz jabetzeko. Eta bestetik, geure buruak ezagutzen ez duena baztertzeko joera duelako; ezezaguna zaiguna, izendatu ezin duguna, geure ohiko unibertsotik aldentzen dena, maiz pasatzen zaigu oharkabe. Orain txantxikua ezagutzen dudala, bere doinua nire soinu-mapan grabatuta dagoela, ziur naiz udaberri arrats askotan topatuko dudala etorkizunean.

Estreinatu berri dugun uda honetarako, irakurle, plan bat proposatzen dizut: zoaz orain arte sekula ikusi ez duzun zerbait ikustera. Arte garaikidea, adibidez? Zergatik ez hurbildu Tabakalerara, Artiumera, edo inguruko beste edozein museo edo erakusketa aretora, orokorrean ikusten ez duzun artelan mota bat ezagutzera? Txerta itzazu lagun berriak zure irudi-mapan. Ezagutu txantxikuak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Etxepare institutuko leihoen nondik norakoak azaldu dituzte goizean, Bilboko Azkuna zentroan ©Foku

35 euskal sortzaile egongo dira nazioarteko bederatzi jaialditan

Amaia Igartua Aristondo

Etxepare Euskal Institutuaren leihoen bitartez, Kataluniako, Espainiako, Frantziako eta Portugalgo festibaletan erakutsi ahal izango dute euren lana kulturgileek. Osasun egoeraren ondorioz, gertuko topaketak lehenetsi dituzte

Landarteren antolatzaileetako batzuk, aurkezpenean, Iruñean. ©IÑIGO URIZ / FOKU

Landarte arte garaikideko programa Nafarroako sei herritan egingo dute

Ane Eslava

Nafarroako Gobernuak bosgarren urtez antolatu du landa eremuan kultur garaikideko sortze prozesuak sustatzeko Landarte programa.

 ©Gorka Rubio / FOKU
Iker Antia Arteztu galeriako arduraduna, Gorka Larrañaga artistak ikusgai jarritako obretako bi alboetara dituela, Donostian. ©GORKA RUBIO / FOKU

Artez marraztutako hirukia

Ainhoa Sarasola

Sortzaileak, ikasleak eta auzoa. Hiru osagai horiek lotzeko asmoz zabaldu zituen ateak Donostiako Arteztu galeriak duela hamar urte. Arte eskolak eskaintzea du bereizgarri.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna