Albistea entzun

BEGIZ

Norena da Puppy?

Haizea Barcenilla -

2021eko urriak 19

Titaniozko txabola zaintzen ia hogeita bost urte daramatza formal-formal loredun txakurrak, turistentzat zein plastikozko souvenir-entzat posatzen. Turismo-kaieren portada izateaz gain, Bilboko maskota maitatua ere bada, hiritarren kuttuna. Edo hori pentsatzen zuten Guggenheim museoko arduradunek udarekin batera crowdfunding kanpaina abian jarri zutenean: hiru hilabetean 100.000 euro batu nahi zituzten eskulturaren barne-egitura berriztatzeko. Ez zen helburu makala, baina ei, gure Puppy da!

Guggenheimek egiten duen guztiak bezala, ekinaldiak oihartzun itzela izan zuen komunikabideetan. Teleberrian behin eta berriz errepikatu ziguten Puppyk behar gintuela; baita egunkarietan ere, Euskal Herrian, Madrilen zein New Yorken. Hortaz, handia izan zen guztion harridura hogei egun pasatuta proiektuak 9.000 euro soilik elkartu zituela jakin zenean. Alarmak pizten hasi ziren; aparatu mediatikoa indartu zen; museoak rap-elebidun-propaganda bideo bat ere enkargatu zuen. Baina ez zen crescendo-rik egon: irailean, kanpaina ixterako, 40.000 eurotara iritsi zen ozta-ozta. Zergatik abandonatu zuten euskal herritarrek, eta bereziki bilbotarrek, euren bihotzeko maskota?

Hainbat izan daitezke arrazoiak: adibidez, Puppyrentzako dirua eskatzen zuten bitartean, Europako laguntzak baliatuta Urdaibain beste Guggenheim bat eraikitzeko asmoa zegoela jakin genuen. Gainera, ekinaldia uda partean bultzatu izanak, jendea pandemia osteko oporretan buru-belarri zebilenean, ez zuen lagundu, ziur asko. Baina nago badela beste arrazoi garrantzitsu eta askoz ere interesgarriago bat ere: Puppyrekin (eta Guggenheim museoarekin) jendeak ez duela benetako atxikimendu emozionalik.

Pentsa dezagun Haizearen orrazia-n, adibidez. Ziur nago egoera txarrean egongo balitz, udalak konpon zezan egingo zutela donostiar askok. Izan ere, beste garai batean artea funtsezkoa izan zen euskal identitatea osatzeko (ikusi besterik ez dago gure instituzio zein herri mugimendu askoren logoak nondik datozen). Baina Guggenheimekin harreman hori aldatu zen; artearen eta museoen funtzioa kultura, herri-lotura edota identitatea elikatzetik turismoa elikatzera pasatu zen, hau da, beste esparruetako ekonomia indartzeko tarteko baliabidea izatera. Bilbotarrek Guggenheim maite dute «mapan jarri dituelako», ospea eman dielako eta hiriaren berrantolatzea ekarri duelako, baina ez haien identitatearen parte delako, Athletic eta Begoñako Ama izan daitezkeen moduan. Puppy xarmagarria da, dibertigarria da, baina ez da gurea, Guggenheimena baizik; eta Guggenheim gurean dago, baina ez da gu.

Okerrena da prozesu horretan, Guggenheimek ez ezik, arteak ere gu izateari utzi diola. Puppyren abandonuaren ustezko drama, berez, gure artearekiko harremanaren drama da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Eñaut Zubizarreta musikaria, atzo, Ahotsenea gunean. ©ARITZ LOIOLA / FOKU

Bat, bi, bat, bi, hiru, lau

Iñigo Astiz

Murrizketekin ere, aurten Durangoko Azokako guneek berreskuratu egin dituzte beren programak, eta, murrizketak murrizketa, poza azaldu dute arduradunek, berriz ere jendeari aurrez aurreko saioak eskaini ahal izateagatik.

Ibai Aizpuruari beka emateko agerraldia. Ezker eskuin, Nerea Mujika, Ima Garrastatxu, Aizpurua eta Lorea Arakistain. ©Durangoko Azoka

‘Barraka’ euskarazko abentura bideo jokoak irabazi du Durangoko Azokako laugarren sormen beka

Ainhoa Sarasola

Ibai Aizpurua diseinatzaile eta programatzaile irundarrak eskuratu du 15.000 euroko laguntza, urtebeteko epean bere proiektua garatzeko. Heldu den urteko azokan aurkeztuko du emaitza.

 ©LARA MADINABEITIA / BERRIA

«Sortzailea hari honetan alderik makalena da, maiz zaintzen ez dena»

Andoni Imaz

Lagunak dira Morales eta Landabaso; biak Bilbotik etorri dira Durangora. Morales saltzera etorri zen lehenengoz, eta Landabaso, umea zela. Urte osoan erosten ez dituzten bitxikerien bila etortzen dira gaur egun.

Maia Iribarne eta Paxkal Irigoien musikariak eta <em>Bañolet</em> websailaren egileak, atzo, Durangoko 56. Azokan. ©ARITZ LOIOLA / FOKU

Heldu bilakatzearen konkista

Itziar Ugarte Irizar

Maia Iribarnek eta Paxkal Irigoienek 'Bañolet' websailaren aurrerapena aurkeztu dute, iaz sormen beka irabazi ondotik. Bederatzi kantuko diskoa ere kaleratu dute: 'Bañolet kantuz'

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.