Jaurlaritzak ez du joko aretoentzako baimenik emanen, behin-behinean

Jokoaren Araudi Orokorreko plangintza berraztertzea erabaki du Eusko Jaurlaritzak, eta, prebentzio gisa, baimenik ez dute emanen araua aldatu arte behintzat. Orain arte emandakoei ez die eraginen
Joko areto bat, Azpeitian.
Joko areto bat, Azpeitian. GORKA RUBIO / FOKU Tamaina handiagoan ikusi

Maddi Ane Txoperena Iribarren -

2020ko urtarrilak 15

«Datozen hiru urteetarako plangintza berrikusteko araudia onartzen den bitartean, bertan behera utziko dira joko aretoak instalatzeko eta abian jartzeko baimenak emateko eta gauzatzeko prozedurak». Halaxe adierazi zuen atzo Josu Erkoreka Eusko Jaurlaritzako bozeramaileak, astearteroko Gobernu Kontseiluaren ondotik egindako agerraldian. Jakinarazi duenez, joko aretoetan aldaketak egiteko baimenik ere ez dute emanen —lokalen eremua handitzeko bada—, eta joko makinak ustiatzeko baimen berririk eskuratzeko ere ez da aukerarik egonen.

Erkorekak nabarmendu du apustu etxeak gazteen artean arazoa sortzen ari direla: «Jokorako aukerak asko ugaldu dira, eta gazteen artean, bereziki, zaletasun hori areagotzen ari da». Egoera zein den ikusita, «ezinbestekoa da neurriak hartzea», Erkorekaren erranetan, «plangintza berria egiteko prozesua osatu eta egin beharreko arautegi aldaketak egin arte». Erabakia Eusko Jaurlaritzako aldizkari ofizialean argitaratu eta bederatzi hilabetera arte luzatu daiteke, baina ez dute baztertu gehiago irautea, «interes publikoko arrazoiengatik beharrezkoa izango balitz». Berrikuste prozesu horretan, publiko eginen dute plangintza, eta jokoari buruzko adituei gaiari buruzko txostenak eskatuko dizkiete.

Erabakiak ez die eraginen jada baimena lortua dutenei: gaur egun oraindik irekiak ez dauden zazpi lokalek, bortz joko aretok eta bi bingok lortua dute baimena. Estefania Beltran de Heredia Segurtasun sailburuak adierazi du jokoak dakartzan arriskuak apaldu nahi dituztela: «Gazteen artean menpekotasun arazoak saihestu nahi ditugu, ahal den neurrian». Horretarako, bertzeak bertze, joko aretoetarako sarbidea gehiago kontrolatu nahi dute, eta lokalen eta ikastetxeen artean baimenduriko distantzia berraztertu.

Nafarroan ere ez

Joan den urrian eta azaroan, hurrenez hurren, Nafarroako Gobernuak eta Iruñeko Udalak ere jakinarazi zuten ez zutela halako baimenik emanen, oraingoz. Nafarroako Gobernuak sei hilabeteko tartea jarri zuen, eta Iruñeko Udalak, berriz, urtebetekoa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Azken zenbaketan 33 positibo atzeman dituzte, 11 Bilbon

Azken zenbaketan 33 positibo atzeman dituzte, 11 Bilbon

Arantxa Iraola

Adierazi dute ez dagoela motiborik esateko Bizkaiko hiriburuan gaitzaren oldarraldi bat dagoenik, baina ikertzen ari dira

Bi langile Donostian desinfekzio lanak egiten. ©Jagoba Manterola, Foku

Donostiako Etxadi kiroldegia itxi egin dute, langile batek positibo eman baitu

Berria

Donostia Kirola Eusko Jaurlaritzako Osasun Sailarekin ari da hartu beharreko neurriak zehazten. 

Jedea Donostiako kaleetan maskarak jantzita ©Juan Carlos Ruiz / FOKU

Eudelek maskaren erabilera indartzeko eskatu du

Aloña Beraza Peña

Eudelek udalei eskatu die maskara erabiltzeko mezua indartzeko. Euskadiko Udalen Elkarteak jakinarazpen bat bidali die alkateei. Normaltasun berrian maskararen erabilera nahitaezkoa da leku itxietan, eta baita segurtasun distantzia mantentzen ez den egoeretan ere, baina gainerakoetan maskara erabiltzea aholkatzen da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna