BIRA

Dispertsioa

Miren Amuriza -

2018ko uztailak 10

Hiztegiaren arabera, ustekabeko ezbeharrak dira istripuak (apropos eragin bakoak, alegia): bidean gurpil bat zulatu edota euriarekin labain egiteagatik gertatzen direnak, esaterako. Eta horrelaxe, istripuz, gertatu ei ziren joan zen astean Picassenteko eta Kordobako espetxeetatik bueltan zetozen auto bik errepidean izan zituzten ezbeharrak (bost dira guztira presoen senide eta lagunek aurten izan dituztenak). 1989an abiarazi zuen sakabanaketa politika Espainiako gobernuak, eta harrezkero 14 lagun hil dira bidean; gaur egun, 700 batek (tartean adin txikikoek) jasaten dituzte dispertsioaren arriskuak astean-astean. Alabaina, badirudi erakundeak (zeina bere neurrian) lantzean pauso bat emateko prest daudela: Frantziako Gobernuak otsailetik dihardu epai irmoak dituzten presoak hurreratzen (oraingoz gizonezkoak), Legebiltzarrean PP ez beste talde guztiek eskatu dute urruntze eta bakartze politikak hainbat arinen amaitzea eta Sanchez eta Marlaska «gaixo larriak eta 70 urtetik gorakoak gerturatzeaz» eta «legea bete beharraz» jardun dira hurrenez hurren. Ordea, joan zen astean gertatutakoek berresten dutenez, adierazpenok ez dira nahikoa; espetxe-politika egituratu baten ondorioz jazotako ezbeharrak gutxi baitu istriputik. Eta ezbeharrak saihesteko gaitasuna eduki eta neurririk hartzen ez duena berorien erantzulea baita hein handi batean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak PCR probak egiten Donostiako Okendo kultur etxean, ostiralean. ©Gorka Rubio/FOKU

500 positibo baino gehiago atzeman dituzte Euskal Herrian

Berria

Bizkaian behera egin dute kasuek: 211 positibo izan dira. Neurriak indartzearen alde agertu dira hiriburuetako alkateak. Ortzaizen, Nafarroa Beherean, hiru pertsonari atzeman diete COVID-19 gaitza.

Neurri bereziak dituen taberna bat, Donostian. ©Gorka Rubio / Foku

Bizkaiko eta Gipuzkoako ostalariek salaketa jarriko dute gaueko aisialdia mugatzearen aurka

Andoni Rekondo Izagirre

Uste dute «neurrigabea» dela 01:30ean ixteko agindua, eta laguntza ekonomikoak galdegin dituzte.

Bizkaiko zahar etxe bateko egoiliarrak paseoan. ©Marisol Ramirez/FOKU

Bilboko zahar etxe bateko zortzi egoiliarrek positibo eman dute

Olatz Esteban Ezkati-Irati Urdalleta Lete

Gasteizko zahar etxe bat eta Mutrikuko eguneko zentroa itxi egin dituzte.

 ©Raul Bogajo / Foku

Lanbidek Zaramagako eta Laudioko bulegoak itxi ditu, bi langilek positibo eman dutela eta

Andoni Rekondo Izagirre

Bulegoetako gainerako beharginak ere etxera bidali dituzte berrogeialdia pasatzera. Bitartean, tramiteak webgunearen bitartez egin ahal izango dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna