Albistea entzun

Hasi da itunen dantza

EH Bilduk eta ERCk Espainiako Gorteetarako bozetan ere elkarrekin aurkeztu nahi dute. UPN, PP eta C's elkar hartuta joan daitezke
Senatura batera aurkeztuko diren alderdien ordezkariak, atzo.
Senatura batera aurkeztuko diren alderdien ordezkariak, atzo. JON URBE / FOKU Tamaina handiagoan ikusi

Gotzon Hermosilla -

2019ko martxoak 10

Espainiako Kongresurako eta Senaturako hauteskundeak aurreratu izanak bizkortu egin ditu indar politikoen arteko aliantzak lortzeko mugimenduak, eta datozen egunetan areagotu egingo dira mugimendu horiek. Orain, esaterako, iragarri dute EH Bildu eta ERC ados jarri direla Espainiako Gorteetarako hauteskundeetan elkarrekin joateko.

Bi indarrek badute akordio bat BNG eta beste alderdi batzuekin Europako hauteskundeetan batera aurkezteko, baina oraingo ituna gauzatuko balitz, estreinako aldiz aurkeztuko lirateke EH Bildu eta ERC elkarrekin Espainiako hauteskundeetan.

EH Bildun nahiago dute aurreakordioaz hitz egitea, oinarriek berretsi arte ez baitago akordiorik: hori, seguru asko, martxoaren 23an egitekoa den nazio batzarrean izango da. Bestalde, aliantza politiko horrek hartuko lukeen molde juridikoari ere ez diote ematen aparteko garrantzirik: izan ere, hauteskunde barrutia probintzia izanik, ez dago argi koalizioa molderik egokiena ote litzatekeen. Batez ere, nabarmendu dute aliantza politikoa lortu izanaren garrantzia, hau da, hauteskundeen ostean batera aritzeko eta talde parlamentario bakarra osatzeko konpromisoa.

Aliantza politiko horren ardatzak autodeterminazio eskubidea, errepresioaren kontrako jarrera —presoak askatzea barne—eta eskubideen murrizketari buru egitea dira, eta akordioa beste indar politiko batzuei zabalik dago, bereziki BNGri, hiru alderdiak elkarrekin joango baitira maiatzeko bozetan.

EH Bilduk bihar egingo du bere Mahai Politikoaren bilkura, Donostian; han aztertuko dute ERCrekin erdietsitako akordioa, eta, ondoren, Arnaldo Otegi koordinatzaile nagusiak agerraldia egingo du horren xehetasunak azaltzeko.

Bi indarren arteko elkarlana gauzatuko balitz, oso litekeena da Kongresuan talde abertzalerik handiena izatea EH Bilduk eta ERCk osatutakoa. Oraingo emaitzekin talde horrek 11 diputatu izango lituzke —bederatzi ERCrenak eta bi EH Bildurenak—; baina inkesta guztien arabera, bi indar horiek gora egingo dute datozen hauteskundeetan. PdCATek orain zortzi diputatu ditu, eta EAJk bost.

UPNren eskaintza C's-ekoei

Berritasun politiko handia izango litzatekeen arren, inor gutxi harrituko litzateke EH Bildu eta ERC elkarrekin ikusita, Europako bozetan ere halaxe joango baitira. Askoz harridura handiagoa sortu du atzo Diario de Navarra egunkariak zekarren albisteak: UPNko buru Javier Esparzak proposatuko dio alderdiaren Kontseilu Politikoari PPrekin duten ituna Ciudadanos alderdiari ere zabaltzea, eta, hortaz, PP, UPN eta C's elkarrekin aurkeztea Nafarroako Parlamenturako hauteskundeetan, Espainiako Gorteetarakoetan eta udal bozetan.

Hiru alderdiak esparru politiko berean aritzen diren arren, Ciudadanos behin baino gehiagotan azaldu da Nafarroak duen erregimen bereziaren eta horrek dakartzan «pribilegioen» aurka; horregatik da harrigarria UPNren buruaren eskaintza. Diario de Navarra-ren informazioaren arabera, UPNren asmoa da ituna gauzatuko balitz horretan idatziz jasotzea «Nafarroako foru erregimenaren eta itun ekonomikoaren errespetua».

Bestalde, Geroa Baik, EH Bilduk, Ahal Dugu-k eta Ezkerrak iragarri dute akordio bat izenpetu dutela Espainiako Senaturako hauteskundeetan zerrenda bakarra aurkezteko. Aldaketa izango da zerrenda horren izena.

Lau alderdiek esan dutenez, «urrats bat aurrera egitea» erabaki dute, ikusita eskuineko alderdiak «iraganik beltzenera itzultzen» saiatzen ari direla, «sentsibilitate desberdinak ukatuz eta autogobernua ezabatuz».

Espainiako Senatua «herritarrei eskubideak ukatzeko» erabiltzearen kontra daude, eta, horregatik, beste eredu bat eraman nahi dute hara, «elkarrizketarena, desberdinen arteko akordioena, aniztasunarena eta gatazka politikoen irtenbide baketsuarena». Senatura, izan ere, «bere nortasuna maite duen Nafarroa horren ahotsa» eraman nahi dute.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Usurbilgo udaletxea. ©NOAUA

Usurbilgo Sagardia plazaren izena aldatzeko exijitu du Espainiako Gobernu Ordezkaritzak

Xabier Martin

Joxe Martin Sagardia euskal errefuxiatua BVEk hil zuen 1980an, Miarritzen. ETAko ustezko kideen zerrenda batean dagoela esan dio udalari Espainiako Gobernu Ordezkaritzak, eta Terrorismoaren Biktimen Legea urratzen duela plazaren izenak.

Eneko Andueza eta Maria Txibite, bilera ostean. ©Berria

Sozialistak «ongizatearen berme» direla esan dute Anduezak eta Txibitek

Gotzon Hermosilla

PSE-EEk eta PSNk bilera egin dute, eta bi alderdien arteko «lotura estuak» nabarmendu dituzte.

<b>Foru Hobekuntzaren 40. urteurrena ospatu zen atzo Senatuan.</b> ©J.C. HIDALGO / EFE

Txibitek Foru Hobekuntza goraipatu du, «batasun konstituzionalaren barnean»

Joxerra Senar

Senatuan egin da Nafarroako estatutuaren urteurreneko ekitaldi nagusia. Hitzeman du «lehenbailehen» egingo dutela ituna trafiko eskumenari buruz

EH Bilduko Maddalen Iriarte eta Nerea Kortajarena aurrekontuei buruzko agerraldi batean. ©ENDIKA PORTILLO / FOKU

Oposizio taldeak adina osoko zuzenketa Jaurlaritzaren aurrekontuei

Xabier Martin

Osoko zuzenketez gain, 711 zuzenketa partzial aurkeztu dituzte EH Bilduk, Elkarrekin Podemosek eta PP+C’s-ek, 1.433 milioi eurorenak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.