HITZ ETZANAK

Betegarri

Andoni Egaña -

2019ko uztailak 12
Iker Iosu Herrero Biandiz Kultur zinegotzi jauna: beste ezer baino lehen ohiko diosalarekin batera jaso ezazu nire esker ona datorren hilean zuen herriko jaietako programazioan partaide egin gaituzuelako.

Huskeria bat baino ez da nire gutunaren arrazoi. Nire errezelo oinarririk gabeak. Jakin badakit, gainera, azken boladan sekulako garrantzia ematen zaiola animalia-jendeari —jende animaliari ematea baino hobe, bidenabar esanda—. Iruñean, esaterako, lehen zezenen izenak baino ez genituen ezagutzen. Orain, dela lasterka bizian dabiltzalako, dela zezenek baino abiadura handiagoan ibiltzeko prestatzen dituztelako, dena delakoagatik... kabestroen izenak ere argitaratu egiten dira, eta bakoitzaren ezaugarriak xehatzen, liderra bata, esanekoa bestea, bizkorra, azkarra...

Testuinguru horretan ulertzen dut gertatu dena. Izan ere, zuen herriko jaietako esku-programa iritsi berri zait. Igandean, meza ondoren idi-probak direla ipintzen du. Eta idi-pareen jatorria zein den, bakoitzaren izena eta itzainen izen-deiturak agertzen dira. Gu gatoz ondoren. Gurea, Bertsolariak generiko batekin konpondu duzue, ez izen eta ez naizen. Gogorarazi nahi nizuke Betagarri gauez programatu duzuela, eta eguerdian ez dela betegarri-rik. Besterik gabe...

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna