Albistea entzun

BIRA

Beti ez

Onintza Enbeita -

2021eko irailak 17

Ez dakit mundu guztiari gertatzen zaion, baina gehien behar ditudanean huts egiten didate gauzek. Halako telefonoa erosteko esaten dizute beti erantzuten duelako, baina zuri huts egiten dizu behar duzunean. Ordenagailua erostera joaten zarenean azalpen mordoa ematen dizute, baina azaldu dizutena ahaztu zaizun momentu horretan, sekula ere ez lehenago, sistema eragileak huts egingo du. Kable bidezko seinalea eskaintzeko deitzen dizutenean, sekula huts egingo ez dizun formula ematen dizute, baina deitu dizunak ez daki zu non bizi zaren, eta konexiorik onena behar duzunean ez duzu beste aldekoekin hitz egiterik lortzen.

Gogoratzen naiz behin kargu hartu zidatela etxean kotxea ez nuelako zaintzen. Errepuestorako gurpilarekin ibili nintzen egun batzuetan eta hura zulatuz gero zer gertatuko litzatekeen galdetzen zidaten etengabe. Orduan gurasoen kotxean joan nintzen bertso saio batera, eta gurpila izorratu zitzaidan. Aseguru etxera deitu nuen eta mekanikoa etorri zenean errepuestoko gurpila ere zulatuta zegoela esan zidan. Beraz, beti dena prest eramaten zutenen kotxean ere beti ez da dena ondo egoten. Ezerk ez du beti funtzionatzen: bizitza errealean ere huts egin behar ez luketen gauzek huts egiten dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...