Albistea entzun

BIRA

Galduta

Onintza Enbeita -

2022ko urtarrilak 19

Gure hiriburuetako tabernetan (ez guztietan, baina bai askotan) saltzen diren pintxoak obradore erraldoietan egiten dituztela kontatu didate. Hiriaren kanpoaldeko industriaguneetan muntatutako sukaldeetan prestatzen dituzte jatorduak, eta tabernaz taberna banatzen dituzte ondoren. Euskal gastronomiarentzako laudorioak goragalea emateraino zabaldu direnean, klonatu, erabili eta botatzearen kultura nagusitu zaigu. Gure agintariek bultzatu duten eredu turistikoak negargura ematen du. Ez gara bereziak. Gure hiriburuetako alde zaharretan dena da frankizia, betiko dendak itxi egiten dira, garai bateko taskek ez daukate baliorik...

Gogoratzen naiz nola heldu ginen 2015eko abendu hartan Bilboko Zazpikaleetan zegoen Txakurto tabernara. Iluntzea zen eta oraindik bermuta edaten ari ginen. Erronda eskatu genuenean, Pilik pikatzeko kazola pare batera gonbidatu gintuen. Sukaldetik zetorrela, barreka esan zuen: «Piper hauek zuetako norbaiten baratzekoak dira!». Bai, aurreko astelehenean Gernikako azokan erosi zizkidan piperrak ziren. Goxotasuna, sarea, zaintza, ekonomia zirkularra, geurearen balioa... zegoen xehetasun txiki horretan. Udazkenean itxi dute Txakurto. Ez dakit galtzen ari garen, edo galduta gauden, baina gauzak ez doaz joan behar luketen moduan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...