BIRA

Greba

Onintza Enbeita -

2019ko otsailak 8
Martxoaren zortzian greba orokorra egingo dugu. Grebara goaz neskak eta emakumeak. Grebara emazteak, maitaleak, hiru edo lau bikote aldi berean dituztenak eta bikote finkorik jasaten ez dutenak. Grebara homosexualak, heterosexualak eta definitu gabeak. Grebara amak, amonak, oraindik ama ez direnak eta ama izan nahi ez dutenak. Grebara hilekoa jaitsi berri zaienak eta menopausiaren beroak harrapatu dituenak. Grebara ahizpak, arrebak eta lehengusinak. Grebara izebak eta koinatak ere. Grebara txiste guztietan gaiztoaren rola jokatzen duten amaginarrebak. Grebara mojak eta grebara ateoak direnak. Grebara goaz ordaindutako lana egiten dugun emakumeak eta umeak zaintzeko lan baimenarekin daudenak. Grebara gurasoak zaintzera kondenatutako alabak eta grebara amona erresidentzira eraman zuen iloba. Grebara irakasleak, medikuak, erizainak, ile apaintzaileak, suhiltzaileak eta alkateak. Grebara talde feministako kideak eta inoiz ezer konkretutan militatu gabeak.

Gu gelditzen bagara, mundua gelditu egingo dela argi dago, baina ez dugu mundua gelditu nahi. Munduak aurrera egitea nahi dugu, baina sistema ororen erdian dirua egon ordez bizitza egon dadila. Gurea, aluarekin jaio ginenona, eta zuena, zakilarekin jaio zinetenona. Erdian. Bizitza. Zapalkuntzarik gabe bizitza.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna