BIRA

Isiltasuna

Onintza Enbeita -

2019ko irailak 3

Honezkero jende gutxi gelditzen da lanera itzuli gabe. Egongo da oporrak orain hasten dituenen bat, ez da gehienen kasua. Azokara jende gutxiago etorri zen atzo. Udarako etxeetako bezeroak desagertu egin dira, irakasle jenderik ez dabil goizez kalean eta gaueko erreleboan hasi behar duten langileak nagituta daude. Amaitzen ari da uda, eta, kantuak kantu, jendea izutu egiten du negu hurbilak iraileko beroan. Eguna laburtzen hasita dagoela esan zidan atzo batek, eta oraindik ez da behar lukeen erdiraino ere laburtu.

Besteak errutinara bueltatzeak zerbait ona ekarri dit: hondartzak berreskuratuko ditut. Ez dago lehorkirik, sonbrillarik, aluminio paperik, gaztelurik eta zaratarik. Bakarrik egon naiteke itsasora begira, bakarrik eguzkitan irakurtzen, bakarrik pasieran, bakarrik, egon. Eta ekainetik irailera bitartean ez bezala, isiltasuna entzun daiteke uraren ertzean. Ez nau inoren nekeak pozten, baina neure lasaitasunak on egiten dit.

Amaitzen ari da uda, eta eguzkiak erakarri zituenak urrundu egingo ditu udazkenak. Isiltasuna itzultzen ari da gure leku kuttunetara. Ez dut pentsatu nahi zer izango den urteko egun guztietan turistaz eta bisitariz beteta esnatuko garen garaia; isiltasuna itzuliko ez den garaia. Ez dut pentsatu nahi zer izango den.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

PCR proba bat egiten, Donostian. ©Gorka Rubio, Foku

400 kasutik gora, laugarren egunez jarraian

Berria

Kasuen erdia baino gehiago Bizkaian atzeman dituzte. Deustuko eliza bat itxi dute, apaiz batek positibo eman ostean.

Donostiako Ramuntxo Berri tabernan egondako 683 laguni proba egin zieten herenegun, Okendo kultur etxean. ©GORKA RUBIO / FOKU

Urkullu: «Pertzepzio orokorra dago pandemia ez dela gure kontua»

Joxerra Senar

Azken orduetan 492 kasu atzeman dituzte Hego Euskal Herrian, eta Nafarroan herritar bat hil da

Osasun langileak, atzo, PCRak egiten, Okendo kultur etxean. ©G. RUBIO / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna