Albistea entzun

BIRA

Tabernak

Onintza Enbeita -

2022ko urtarrilak 28

Ez dakit datu honek gauza onak edo txarrak esaten dituen gure herriari buruz, baina hemen erabaki asko, eta garrantzitsuak, hartu ditugu tabernetan. Bilerak egin ditugu argi gutxiko mahaietan, konspiratu egin dugu ukondoa mostradorean jarrita, mundua konpondu dugu dantzan egiteko gogorik izan ez dugun goizaldeetan... Guztioi gertatu zaigu kafe bat hartzeko deitu digutenean burua azkartzea, eta guztioi pasatu zaizkigu burutik kafea hartzea izan ezik beste aukera guztiak: zinegotzia izateko proposamenetik hasi eta ezkontza eskaerara arte, pankarta eramateko mesedetik pasatuta. Konfinamendu ostean tabernak zabaldu zituztenean hasi zen jendea normaltasunaz hitz egiten. Ez dakit zer daukaten tabernek gurean, baina emakume izatearren tabernetara joatea galarazten zuten garaian gaztea zen emakume batek esan zidan behin «bizitza tabernetan erabakitzen» zela. Orduan ere emakumeak kanpo uzten zituzten.

Askotan pentsatu dut zergatik den hain normala tabernetan ibiltzea gure herri honetan. Neure buruari galdetu izan diot zergatik den hain garrantzitsua guretzat tabernadun normaltasuna. Ez daukat erantzunik, egia esan, baina gogoratzen naiz kantu batek esaten zuela maitasunaren gabeziak betetzen dituela tabernak. Espero dut ez dela hala izango, bestela gizajoak gu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...