Albistea entzun

BIRA

Aurre egin

Onintza Enbeita -

2021eko ekainak 10

Hamahiru pertsona oldartu dira bakarraren kontra. Zientoka kolpe eman dizkiote «marikoi zikina» esaten izan dioten bitartean. Ez da gertatu Afrikako herrialde urrun batean; ezta Afganistanen edo Saudi Arabian ere. Hemen gertatu da: Basaurin. Jende askok eraman ditu eskuak burura: XXI. mendean oraindik halakoak gertatzeak harritu ditu batzuk eta etxe ondoan gertatu izanak beste batzuk. Ordea, inork ez dauka gertatukoaren errurik eta denok daukagu gertatu denaren ardura zati bat. Izan ere, adierazpen askatasunaren, demokraziaren eta ez dakit zeren izenean, edozein diskurtso zabaltzen da espazio publikoetan. Berdin hitz egiten digute homosexualen, atzerritarren, emakumeen zein independentzia zaleen kontra edo alde. Normaltasunez azaltzen digute nola ez den naturala sexu bereko pertsona biren arteko harremana, eta guri nazka eragiten badigu ere, badira diskurtso hori sinistu egiten dutenak.

Adierazpen askatasunak ez du dena justifikatzen. Ustezko gutxiengoen kontrako gorrotoa ez litzateke horrela sustatu behar hedabideetan. Gauza bat da iritzia libre ematea, eta beste bat zure iritziak zure modukoak ez diren guztiak paredoiaren kontra jartzea. Eskuak burura eramatea alferrik da; homofobiari, matxismoari, arrazakeriari... aurre egin behar zaie.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.