Albistea entzun

BIRA

Biktimak

Onintza Enbeita -

2021eko azaroak 27

Berriro ikusi dut beldurra umearen begietan. Gauez negar egiten du, ez duelako hurrengo egunean eskolara joan nahi. Eta bere moduan, bere taldeko beste hainbat dira beldur. Ez badute zenbaitek nahi dutena egiten, jo egiten dituzte, edo baztertu edo burla egin, edo umeentzat gogorrak diren beste zenbait egoeratara kondenatzen dituzte. Batu dira gurasoak: biktimen gurasoak. Umeei lagundu egin behar zaiela erabaki dute. Elkarri esan diote seme-alabek haien ondoan daudela igarri egin behar dutela, ez dutela nahi bakarrik senti daitezen halako egoera batean. Ni ez naiz umearen ama, eta beste tonu batean kontatu ohi dizkit gauzak niri. Pentsatzen dut gurasoengan babesa bilatzen duela eta niregan konplize bat aurkitu nahi duela, lagun bat, gauzak ulertzen lagunduko dion norbait. Ez da justua hamar urteko umeek halako angustia izatea. Angustia, ikusi egiten duelako nola baztertzen duten bere gelako kide bat azalaren kolore desberdina daukalako, eta haren alde zerbait esaten duenean itzela datorkiolako gainera.

Biktimen gurasoak elkartu dira, berriro ere. Psikologoen kontsultak biktimaz beteta daude, baina zerbait oso gaizki egiten ari gara: gero eta biktima gehiago ditu eskola jazarpenak. Agian, biktimak sortzen dituzten umeen gurasoek elkartu behar lukete egoera aldatzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.