BIRA

Esklaboak 5.0

Onintza Enbeita -

2020ko abenduak 2

Senegaldik etorri zen Yoro. Familia txartel komunitarioa zuen eta hura iraungitzean lanerako baimena galdu zuen. Bidali egin zuten lan egiten zuen fabrikatik. Tramite txiki bat egitea nahikoa zuten hura lanean mantentzeko, baina ez omen zeukaten galtzeko denborarik. Paperak konpondu eta itzultzeko esan zioten: lanik bada, emango ziotela leku bat. Ania, Luisa, Katty, María eta Sheylak gure zaharrak zaintzen dituzte. Ez aitona-amonak bakarrik; zaharrak orokorrean. Erresidentziara eramateak erreparoa ematen digu, baina lotsarik gabe sartzen ditugu emakume migratzaileak gure etxeetan soldata miserableen truke. Sobera gelditzen zaigunak haien lana ordaindu egingo duela iruditzen zaigu, eta, guk gure etxean lo egiten dugun bitartean, gure zaharrekin bizitzera derrigortzen ditugu. Miren bertokoa da, hemen jaio zen eta hemen bizi da. Nagusiak esaten dio arazoak dituela, baina orain ere kotxe berriarekin ikusi du herrian. Susmoa dauka ERTEak amaitzen direnean kalera joango direla bera eta beste hainbat lankide. Lana badagoela dio, baina lantzean baten garbiketa egin eta jende berria hartzea merkeagoa da nagusiarentzat.

Gaur esklabotzaren aboliziorako nazioarteko eguna da. Irudipena daukat abolizioan sakontzen baino gehiago ari garela esklabotza modu berriak eraikitzen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.