Albistea entzun

BIRA

Kontzientzia

Onintza Enbeita -

2021eko apirilak 2

Ikasi dugu ezgaitasuna edo ezindua edo atzeratua ez direla berba egokiak. Badakigu gure lantokian edo gure seme-alaben eskolan itsuak, autistak, gorrak, Downen sindromea dutenak... egongo direla. Batzuetan, ez beti, kafe ordua konpartituko dugu haiekin, edo, txikiak diren artean, gure umeen urtebetetze festara gonbidatuko ditugu. Adin batetik aurrera, ordea, esango dugu gure seme-alaba nerabeei ezin diegula zama hori jarri nahi ez badute, edo esango diogu geure buruari lanorduetatik kanpo ez dugula inoren ardura hartu beharrik. Eta orduan, ikasi dugun hori guztia, politikoki zuzena den hori guztiori gezur handi bat dela ikusiko dute benetan aniztasun funtzionala dutenek edo haien senideek. Ez gara guztiontzat egindako mundu batean bizi; ez dago aukera berdintasunik. Politika publikoak zuloz beteta daude, baina gure kontzientzia ere errazegi konformatzen da.

Gaur, esate baterako, autismoarekiko kontzientzia hedatzeko nazioarteko eguna da, baina oporretan gaude, eta Kopako finala da justu bihar, eta gure kontzientziak okupatuegi daude. Bihar edo etzi edo datorren astean, autistekin komunikatzearen zailtasunaz hitz egingo dugu tabernaren batean. Eta ez gara ohartuko, benetan, ze gutxi komunikatzen garen gu geu geure kontzientziarekin. Bestela, ez genuke lorik egingo.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna