Albistea entzun

BIRA

Gure geografia

Onintza Enbeita -

2021eko ekainak 24

Nik ez dakit gurea bezain geografia zaila izango duen beste herrialde bat izango den. Berez, zazpi lurralde gara, baina muga administratiboak inposatu zizkigutenetik nahastu egin gaituzte. Iparraldea deitzen diogu Euskal Herriaren ekialdeari, eta hegoalde erdialdetik mendebalderako zatiari. Benetako hegoaldeari buruz berba egiten dugunean Nafarroako Erribera esaten dugu, eta benetako iparraldeaz ari garenean Bizkaiko edo Gipuzkoako kostaldea. Euskal Herriak hiriburu bakarra konpartitzen du historikoki, baina banaketa administratiboaren zein zatiz ari garen, bat edo beste azpimarratzen dute erakunde publikoek. Benetan da nahasgarria gure geografia; edo hobeto esanda, benetan nahastu dute gure geografia inposatu dizkiguten mugek. Eta guk inposizio horren arabera hitz egiten dugu: batzuek kontzienteki eta beste batzuek inkontzienteki.

Telebistako eguraldiaren mapak ere ez du laguntzen, dena esan behar bada: Errioxa eta Kantabriako eguraldiari buruz gehiago dakigu, Donibane Garazikoaz baino. Joan den maiatzaren 4an hauteskundeak izan ziren Madrileko Erkidego Autonomoan, eta gure komunikabideetan han gertatu zenaren jarraipen zehatza egin zuten. Oraintsu, hauteskundeak izan dira iparraldea deitzen dugun Euskal Herrian, eta apenas hitz egiten dugu emaitzez.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.