Albistea entzun

BIRA

Segurtasun faltsua

Onintza Enbeita -

2021eko abenduak 16

Harrigarria egin zait COVID-19aren ziurtagiria izaten ari den onarpena. Nola badaukanak badaukan, jendeari ez dio ardura ondokoa jasaten ari denak. Ordea, ziurtagiriak ez du ezertarako balio. Lehenik, ematen duen segurtasun sentsazioa gezurra delako. Ni txertatuta dagoen herritar zintzoa naiz, baina positiboa izan naiteke, eta ziurtagiriak ez dit ukatuko birusa zabaltzea. Bigarrenik, pentsatu egin beharko genuke zein aurrekari ezartzen ari garen etorkizunean gerta dakizkigukeen infekzioen aurrean. Orain COVID-19a da arazoa, baina gero? Hirugarrenik, kasualitate handiegia da orain ere futbola neurrietatik libre gelditzea, beste sektore guztiongan eragin murriztailea izango duenean.

Bitartean, Osakidetza hustu egin dute. Lehen arreta ia desagertu egin da. Ez, ez naiz esajeratzen ari: herri txiki batean bizi naiz herri txikiz inguratuta, eta harrigarria da zenbat kontsultategi itxi dituzten. Eta ez dute berriro irekitzeko asmorik. Azken astean, COVID-19an positibo eman izan duen jendearekin egotea tokatu zait, eta bati baino gehiagori entzun diet ez diela inork deitu. Inork ez: ez aztarnariek ez medikuak. Eta neure buruari galdetzen diot ea nola babestuko gaituen paper zikin batek, gure agintariek ez badute nahi gure medikuak babes gaitzan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...