BIRA

Eztabaida

Onintza Enbeita -

2019ko irailak 26
Gure gizarte honetan harritzen nauen gauza bat badago. Bakoitzak bereari bakarrik begiratzen dio, jendeak ahalik eta ondoen bizi nahi du, eta berdin dio noren gainetik pasatu behar duen horretarako. Hori bai, taberna batean eztabaidan ari diren pertsona bi ikusiz gero, urduri jartzen gara. Izango dira kolpeka amaitzen diren diskusioak, baina gehienak sanoak izaten dira. Gurean beti eztabaidatu da. Osaba Morrisek esaten zuen bezala, berba altu egitera ohituta gaude; gustatu egiten zaigu. Eta aizue, ez da ezer gertatzen, poteoan ere denok elkarrekin ibiltzen gara: eztabaidatzeak askatu egiten gaitu.

Etxera joan baino edozer gauza hobea den gau horietako batean bertsotan hasi ginen soziedadean. Horrelakoetan filosofatzea ere ohikoa da, eta hor ibili ginen, bizitzaz eta munduaz. Laster etorri zitzaigun bat bakeak egiteko asmoz: «Diskutitzen ari zarete, haserre zaudete». Ezetz esan genion, eztabaidan ari garela, baina ez geundela haserre. Ez zuen oso ondo ulertu gure planteamendua. Eta ez dut ulertzen edonori ostiak eskaintzen ari den jendea beste bi eztabaidan ari direlako larritzea. Hitz egitea, iritzi desberdinak trukatzea, eztabaidatzea oso sanoa da. Ez dut uste oso emankorra izango denik eztabaidatzea ahazten zaion gizartea, argumentaziorako gogorik ez duen jendea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna