BIRA

Konpetentzia

Onintza Enbeita -

2019ko urriak 26
Baserritarrek askotan esaten diote elkarri gezurra; batez ere, azokan. Mitotik asko du uste horrek, baina errealitate gordinetik ere zerbait bai. Ez dakit nork diseinatzen dituen nekazaritza politikak (edo orain ez ditut ahotara ekarri nahi), baina ez dute ezer egiten lurra landuta bizibidea atera nahi dutenen alde. Merkatuaren logika basatian oinarritzen da elikagaien ekoizpena. Norbaitek sartu digu buruan azokan gure ondoan dauden baserritarrak direla gure konpetentzia, eta hor ari dira batzuk albokoari gezurra esanez, hark baino gehiago saltzearren.

Bitartean, elikagaien ekoizpenean logika salbajeetan sartu zutenek sekulako konpetentzia egiten digute. Dena saltzen dute baserritarrek baino merkeago. Inork ez daki nondik ekartzen dituzten gereziak Gabonetan, baina supermerkatuan badaude, erosi egiten ditugu. Ez gaitezen engaina: elikagai merkerik ez dago. Baserritarrei baino askoz merkeago erosten dugunak pertsonen edo lurraren esplotazioa ezkutatzen du. Ez, baserritarrek ez diote elkarri konpetentziarik egiten. Kontua da elikagaiak lurrarekiko errespetuz, astiro, garaian eta ingurua zigortu gabe ekoiztea ez datorrela logika kapitalistarekin bat. Merkatua da gure konpetentzia, eta gu gara hark paretik kendu nahiko lukeena.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna