Albistea entzun

BIRA

Opariak

Onintza Enbeita -

2022ko maiatzak 20

Atzo berriro izan zen errekonturako eguna: urte bat gehiago bizita, bat gutxiago bizitzeko. Badakit zorte eta pribilegio handia dela osasunez, diruz, sexuz, bidaiaz, janariz, edariz, lagunez, lanez ondo iristea 43 urtetara. Bizitzeko asko gelditzen zaidan arren, ezin dut burutik kendu inork ez dakigula noiz izango den gure azken afaria edo noiz egingo dugun gure azken guda dantza. Bizirik egotea bera opari bat denaren sentsazioarekin iritsi naiz honaino, eta ez dut esateagatik esaten. Nire zirkuluan hutsune handiak daude, eta zulo beltz horiek irakatsi didate gaur bazaudela eta bihar ez. Horregatik iruditzen zait absurdoa munarriak milimetroka mugitzen ibiltzea edo besteak epaitzen denbora galtzea edo inoiz gastatu ezin izango duzun adina diru aurreztea edo armairuak behin eta berriro betetzea sekula hustu gabe. Hemen utziko dugu dena. Horregatik eskertzen diet maite ditudanei nire ondoan eman duten minutu bakoitza.

Ez dago ezer galkorragorik eta aldi berean errepikaezinagorik denbora baino: horregatik da ederra norbaitek bere denbora eman diezazula. Hitz egiteko, musu emateko, bermuta edateko, gildak jateko, larrutan egiteko, arrautza frijitu batean ogia bustitzeko, maitatzeko, eskutik heldu eta pasiatzeko denbora. Hori daukat hartzeko eta emateko. Ez edonori, jakina.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...